عــــــــــــــــادات وسلـــــــــــــــوم

[ولد مجري]

الســـــــــــــــــــــــــامر:-




مـن يطلـب العليـا فـلا يرخـص السـوم
ا

لمـجـد مـاهـو قـســم نـفــسٍ خـيـلـه


للـنـاس عــاداتٍ مــع الـنـاس وسـلـوم


يـرقــى بـهــا الـرجــال راس الطـويـلـه


مـن قـدم الحسنـى والأحسـان معلـوم


يـنــال مـــن مـــولاه كـســب النفـيـلـه


ومن قدم الحسنى على اللوم والشوم


عدلـه سبـق عـن ضيعـة الــراي ميـلـه


ومن مات مسلم قالـوا النـاس مرحـوم


شـفـيـعـه مـحـمــد وربـــــي كـفـيـلــه


ولو يرحـم الظالـم مـن الخلـق مظلـوم


لــوادي الممـحـل جــرى فـيـه سيـلـه


انـال مـن شـاور عـلـى حـقـه رخــوم


الا مـثــل مــانــال مــــن هــــد فـيـلــه


لمـجـد يبـغـى لــه شغامـيـم وقـــروم


يـوفــون بـحـقـوق الــزمــان الثـقـيـلـه


بـادت حضـارت قيصـر الفـرس والــروم


ولابـكـتـهــا عــيـــن خـــلـــقٍ حــيــلــه


بالمنـتـحـي مايـنـفـع الـعــذل والـلــوم


أطـلـب لــه الله وتـركـه فـــي سبـيـلـه


لابــــد مـايـذكــرك يــــومٍ بــعــد يــــوم


ويحتـاج لـك حاجـة مصـر فـيـض نيـلـه
ا

لـعـز مــن بـيـن المخـالـيـق مـقـسـوم


ويـفـوز بــه مــن طـيـب راســه دليـلـه


كـــم واحـــدٍ وده بـمـجـدٍ مـــع الـقــوم


وعـيــت صـواديــف الـدهــر تستـويـلـه


وكـم واحـدٍ يحيـا مـن الـوقـت ملـطـوم


لـطــمٍ يـشــاف ولـطــم كـبــدٍ غـلـيـلـه


وكـم واحـدٍ مـن نعمـة العقـل مـحـروم


ومــالــه عــلــى مــاقّــدر الله حـيــلــه


وكـم واحــدٍ يلـقـى بــه الكـبـر والــزوم


مـجـدٍ عـلــى راســـه يـعــود فشـيـلـه


وكم واحدٍ يمشـي مـع النـاس منجـوم


وهـو مـن ارجـال الحـسـب والفضيـلـه


مـادامـت الـدنـيـا لـحــد دايـــم الـــدوم


تـجـذي عــن الغـايـات خـيـل الوسيـلـه


أطــــلال دارٍ فـوقـهــا يـلـعــي الــبــوم


الله مـــــن يـــــومٍ زهــتــبــه ولــيــلــه


وظـرفٍ علـى مافـيـه بالخـتـم مخـتـوم


الله مـــــن عــيـــنٍ وعــيـــنٍ تـخـيــلــه


متـعـلـقٍ بـيــن الـسـمــاوات ونــجــوم


ســبــع الأراضــــي كـلـهــا ماتـشـيـلـه


مايـشـرب إلا مــن جـبـا بـيـه مسـمـوم


تـشــوف نـــاره فـــوق راس الفـتـيـلـه


يدري بها اللي عن سما الديـد مفطـوم


ويجهـل بـه الـلـي عّــن للـعـرف خيـلـه


ماهـوب ضــربٍ مــن ظــلالات ووهــوم


وافٍ عـــلـــى مـــاقــــدر الله كــيــلـــه


والهـقـوه الـلـي مالـهـا جـنـب وعــزوم


تـطـيــح دونــــه حـيــلــةٍ مسـتـحـيـلـه


وحـرصٍ تحـرص بـه يفكـك مـن الحـوم


حولـك مـن اللـي يحسـب البعـد عيلـه


لاوالـذي تسـجـد لــه الخـلـق وتـصـوم


ولـرضـاه بـيـتـه والـمـقـام تـعـنـي لـــه


أن الـوفـا لــه بـالـعـرب حـــد ورســـوم


عـنـد الــذي يظـفـر بكـسـب الجمـيـلـه


وروضٍ يـنـوج بـريـح شـيــحٍ وقـيـصـوم


لــه نـظـرةٍ تـشـف الـنـفـوس العلـيـلـه


أكـثـر عـيـون الخـلـق ماتـقـبـل الـنــوم


يـشـكــون هــــم دقـاقـهــا والجـلـيـلـه





صح السا ن الشاعر الامير / السامر


محمد بن سعود الكبيرال سعود ** التصحيح هو// عبد العزيز بن سعود بن محمد

@@@@@@@@@@@@@@@@@@@@@@@@@@

[ابن عاصم]

صح السانه

وسلمت يمينك

وهذه القصيده من اروع ماقال السامر في حياته الشعريه>>>>>>>(وجهة نظر)

تسلم ياولد مجري

ماتجيب الا الجميل

[ولد مجري]

اخي بن عاصم/ الله يجمل حياتك ..........اشكرك على تشجيعك الطيب

ومتابعتك مواضيعي ولا تحرمنا منها

والله يبارك فيك.............اخوك / ولد مجري

@@@@@@@@@@@@@@@@@@

[بناخي_ الروسان]

والجليـــــــــــــــــــله..
صح السان الشاعر الامير
ويسلم يمينك
ياولد مجري

[مثلث برمـــودا]

اسعد الله جميع اوقاتك .

قصيده جيده تشكر على اختيارك لها .

ولكن ما عرفت قصدك بـ محمد ابن سعود الكبير ؟؟؟؟

اذا كان المقصود هو الشاعر السامر ؟! فاسمه الحقيقه والصحيح هو .

عبد العزيز بن سعود بن محمد الملقب بـ ( العرافه ) وليس الكبير , هذا للتوضيح ليس الا

تحيــــــــــاتي لك .

اخوك / مثلث برمـــــودأ

[ولد مجري]

السلام عليكم ورحمته وبركاته :

عزالله ان كلامك صحيح : وما كتبته الا سهو: وانتبهتله بعد تنبيهك لي

الله يعطيك العافيه واشكرك على مداخلتك وتنبيهك لخوك

ولد مجري


@@@@@@@@@@@@@@@