ياسلام الله عليكم

[منبر اعلامي]

ياسلام الله على سلطان من بد القبيله=يوم نادى واحتزم للضيف والبيرق سعودي
وين سيفك يالعتيبي ماتسمعنا صليله=رحلتك بين الشتا والصيف والبيرق سعودي

[راشد النفيعي]

صح لسانك يابو عبدالرحمن
واستلم

مرحبابك عد براق من المشرق نخيله= فاض سيله مع جنوب السيف والبيرق سعودي
والله اني فارس البيدا ومعشوق الاصيله=وانت سارق سمع ومليقيف والبيرق سعودي

[منبر اعلامي]

صح بدنك والمتابعين

ودي اتهرج واشب النار في راس الفتيله=مير صدرك ضايق وقصيف والبيرق سعودي
خل كل الهرج في صدرك ودورلي قليله=ياعميلن مامداه ضعيف والبيرق سعودي

[راشد النفيعي]

انكشف زاد اليتيم اللي من اول في صميله=بعد ماحرج عليك حنيف والبيرق سعودي
من يدور علم يلقا له علوم تستويله=اظهرت سكينها ام ضليف والبيرق سعودي

[منبر اعلامي]

وش معك فاللي تعزوا في منيف وفالجليله=وابن عمه محتزم بالسيف والبيرق سعودي
مايعرف اللي يرد الجيش ويذري دخيله=مادرى اني من عيال منيف والبيرق سعودي

[راشد النفيعي]

مايعاف الصاحب اصحيبه ويبحث عن بديله=كود لاشبو عليه الليف والبيرق سعودي
سوق معدالك وقدمني وتبشر بالصميله=مانبي نمشي ورى التزييف والبيرق سعودي

[راشد النفيعي]

صح لسانك ابو عبدالرحمن وياليت الشعار يقيمون محاورات فيما بينهم
لعل شعار المحاورات يرجعون لمنتداهم
والله شي مؤسف يتركون المنتدى ويذهبون لقروب الصداقه في مواقع التواصل يتحاورون فيه