ياروق من دونكم عيزوم ضلع بتيل

[فهد علي العازمي]

قال النوالي بدا في مستقل البتيل
في مرقبٍ من صلاة الصبح بادي حجاه
اطرى عليـه نهـارٍ فيه مـثل الشليل
لاعــاده الله نــهــــار و لا نهــــارٍ كماه
صاح المصيّح ضحى لمروقين المقيل
نادى بصـوت شهير وكل من قام أحاه
قالوا علامك وقال المال جاكم جفيل
والمــال الآخـــر تقافا والملَـح فـي قفاه
ثم احتزمنا وأخذنا كل سرداً جليل
ومنومـــل فالمـكالي كــل عـام نحساه
نرمي دقاق السلب من كل هدم طويل
حتى التحقنا بهـم فالصمد قـرب الحلاه
يوم ان صوت النهيلي قام يعول عويل
صوت النهيلي كما صوت الرعد من سماه
ولـد الردي يتبـع الفيّـه ولالـه حصيل
مـا يـعرف أنه عـلى يومــه تجــيه الوفاه
اوصيك ياللي تضـم الهرج بنت الذليل
ياتي ولــدهــا كـما خالــه قليــلٍ مزاه
الذيب لن جاع يلقى له طعامٍ سبيل
يلقى من فعول ربعي فالمواقف عشاه
وصلو مهد العمق والرد منهم قليل
والكل منهم على المظهار ينخى عزاه
حـنـا بغيـنا نلاعبهـم نهـارٍ هـويل
لكــن جــونا عــيـــالٍ يـعتــزون الـعصاه
ياروق من دونكم عيزوم ضلع بتيل
لا وهــني مــن نهــار الضيق جوا من ولاه
العازمي فالمواقف والنبي مايحيل
الا تــحيــل الجــبــــال الــراســية والطراه
والله يالولا وانا ما احب قايل وقيل
لـولا الــعـــوازم لنوصـلكم مسايــل حماه



القصيدة الكاملة للشاعر والفارس : عتيق الله بن عضيب الوريكاني المطردي النوالي السلمي
قايد قبيلة بني سليم في معرقة العْمَق واللتي حصلت بين الروقه والسلمان

والقصيدة موجوده وموثقه في كتاب عبدالقدوس الانصاري

* للتوثيق
* العوازم من عتيبه

[فهد علي العازمي]

https://youtu.be/7Vwl9dngs-E