تتعب عن فعوله زحول الحمايل

[متعب البيد]

الشيخه الي ماهي بشيخة منيف
خسران شايلها بكل القبايل
منـيف سبعها بكل المـعـاريف
فرقه عن الشيخان وافي خصايل
راعي شداد وفالمواقف كما السيف
تتعب عـن افعوله زحول الحمايل
مثل السحاب الـي مزونه مراديف
من عقب نوه يصبح الدار سايل
ريف الرفيق ولايحسب التكالـيف
وافن مساره فـي جميع الفعايل
ماوقفة افعاله على الجار والظيف
ظافن بجوده ياعتيبه قبايل
من ساحل اليمه ليامتلع السـيف
والخير منهاجه صبوب ومخايل
ابـن مسيلم مـن جميع التواصيف
انشد من اقصى الناس ماني بقايل
وان قلت ابا اعلنها بروس المشاريف
انه على نصف العرب لـه فضايل
حتى السجين الي وراء الباب ياحيف
اثنى على وقفات راع الجمايل


الشاعر/فيصل شقير العتيبي
في
الشيخ منيف بن سعيد أبن مسيلم العتيبي