محاوره بين الشاعرين .الشاعر:شاكر سعدالله الثبيتي والشاعر:سعود بندر العطاوي

[ابو ساره]

السلام عليكم ورحمه الله وبركاته

محاوره بين الشاعرين/
الشاعر: شاكر سعد الله الثبيتــــــي
الشاعر:سعود بندر العطاوي العتيبي

والبدع من شاكر


شاكر سعد الله الثبيتي

ياسلامي على الي طال عني غيابه
والمغيبه بدون اسباب فيها وفيها

سعود بندر العطاوي العتيبي

مرحبا يالمسلم عد وبل السحابه
ومن قطع وصل الاصحاب فيها وفيها

شاكر سعد الله الثبيتي


البقا ياعتيبي تفتخر بك عتابه
بس منى عليك عتاب فيها وفيها

سعود بندر العطاوي العتيبي

نجد ما هي كما الطائف ولا هي تشابه
لو بالطائف الاشناب فيها وفيها

شاكر سعد الله الثبيتي


انت ودك تردى والردى وشتبابه
تعرف الروس والاذناب فيها وفيها

سعود بندر العطاوي العتيبي

ما جهلنا ياشاكر والأسد كنق غابه
عكس من يتقي بالباب فيها وفيها

شاكر سعد الله الثبيتي

لا تمدح ومثلك ما حسبنا حسابه
واعرف انك على المشعاب فيها وفيها

سعود بندر العطاوي العتيبي

يارفيقي توقع لا تزيد الكتابه
نعرف اللي بلا مخلاب فيها وفيها

شاكر سعد الله الثبيتي


ياعميلي علومك مالها اي جابه
بعد صارت على الوتساب فيها وفيها

سعود بندر العطاوي العتيبي

أتوقع نهايه شاكر بيد عصابه
كان جنب عن المحراب فيها وفيها

شاكر سعد الله الثبيتي

وابك انا شاكر اللي كل رجل يهابه
أنشد الشيخ والكتاب فيها وفيها

سعود بندر العطاوي العتيبي

انت شاكر ولاكن ياولد من تجابه
يخلع الضرس والانياب فيها وفيها

شاكر سعد الله الثبيتي


انت ياذيب تعوي مار قدمك ذيابه
لو نحوفك ورى الاطناب فيها وفيها