وحنا عتيبه كلنا برق مع روق

[راشد النفيعي]

سلام ياراسي عسى دايم الدوم=تبقى على العليا وهامتك من فوق
ادين بلإسلام وااحج وااصوم=ولا لحد عندي مشاريه وحقوق
والموت لابده مقدر ومقسوم=يجري معك مادام بك دم وعروق
وانا نفيعي نسل فارس وزيزوم=وحنا عتيبه كلنا برق مع روق
يوم انها للسيف وامسابق القوم=فينا من الفريس عاقل ومصفوق
سيفه غدا مابين الأرداف ملحوم=ضربة يمينه خلت الصدر مشقوق
واطيورها جتنا تسابق لها حوم=تباشرت فينا وحنا لها روق
تبي العشا من طايح/ن دمه يعوم=قفوا عنه ربعه وحنا لهم عوق
مابيننا طايح ولا لاش وارخوم=الشبل منا ساقهم فاللقا سوق
امجادنا ماجات بالبيع والسوم= والله لغنيها لكم لحن واطروق
ويالحر مالك زاد مع طاير البوم=كلام عاقل جاك محكم وموثوق
اللاش خله يسهر الليل مهموم=لايفتل الأشناب والدقن محلوق
خلك مع الشجعان مكرم ومحشوم=وخل الجليله تتبع الطرش والنوق

[فهيد الايدا المورقي]

راشد النفيعي صح لسانك


افتقدنا مشاركات الأيام السابقة


تحيتي

[راشد النفيعي]

هلا وغلا فهيد

ابشر بسعدك جعلني فداك