حب+خيانة=فراق

[الشاعربشيرالروقي العتيبي]

دامـك اللي وسـط قلبي تسكنين
لـيـه خـنـتيـنـي وكـذبتـي عـلي

للأسـف انـتـي بقـتـلي تطمعين
خـايـنه ياللـي تضـحكـتي عـلـي

نيـتـك للـغـدر وانـتـي تضـحكين
والـخـيـانـه وسـط قـلبك تعتلي

ارحـلـي يـابـنـت تكفـين ارحلين
اكـتشـفت الغدر وارجاك ارحلي

اتركي قلبي وسط حزني سجين
لـعـن ابـو يومن لفيتي فـيه لي

اطـلـبـك روحـي وتكفي لاتجين
دام جـرحـك وسـط قلبي يغتلي

كيف بالله تغدري عشرت سنين
بـعـدكـذبـك كـيف بالله تسئلي

الله أعـلـم كـم بـحـبك تخدعين
كـم رجـل بسيوف كذبك تقتلي

كنت اظنك كنزي الغالي الثمين
كنت اظـنـك بالغلأ حسبت هلي

بـعـد كـذبك مات حبك والحنين
افـهـمـين القـول ياللي تهملي

قـالوان الكذب بالشخص اللعين
اسئـلـين الناس كـانـك تجـهلي

الـكـذب مـجـناه لاصحابه مهين
انـصـحك بـالصدق دايـم تفعلي

ادري انك مـن كلامي تفـهمـين
واطلبك وارجاك بالصدق اعملي

(بقلم-الشاعر-بشير-العتيبي)