فالح الحمياني العتيبي

[الحمياني سلطان]

بديت بســـــم اللي رفــــع ســبعة ادوار*****اللي دعى موسـى على جـانب الطـــور
وكلم محــــمد بالوحي داخــــل الغــــار*****وأنزل كتـــاب الحق للنـــــاس دســـتور
اللــه كــريم الوجـــــه عﻼ‌م اﻻ‌ســــرار******يعطي وباب الرزق ماهوب محصـــور
سـِـــر يا قلم واكتب تحـــاليل واشعـــار****واشــــرح ســبب قلبٍ به الهــم منثـــور
أكتب عــــن اللي حــط فالقلب تذكــــار******تاريخ ربعٍ طـــاف في سبـــعة بحــــور
يا دار وين اللي سكـــــن فيــــك يـا دار*****يا دار وين اللي بنى وسطـك الســــــور
يا دار وين اللي بنى الحصـن بحجــــار*****فوق الصـــفا مبني وبالعـــز معمـــــور
مبني على صـمّ الصـفا شغــل بيطــــار*****يحمـي حمــاك إليا تنـاحوا على الكــور
يا دار ويــن اللـي يخِيـــلون اﻷ‌مطــــار*****واديهم اﻷ‌خضــر من الخيـــر ممطــور
إن ســــال واديهم جـَنـَـوا حلو اﻷ‌ثمـــار*****من روس غرســاتٍ لها البـال مســرور
يا دار ظليــتي فخــــر بيــن اﻷ‌قطـــــار*****واليوم حيــّـك بيـن اﻷ‌قطـــار مهجـــور
دارت بـك الدنيــا على كـف اﻷ‌قــــــدار*****هـدم القــرى في محكم الشــرع مذكور
أبكـــي على ماضــيك يا دار اﻷ‌حــرار******أدعـي على من مات يسكن مع الحــور
أبكي على فــرقــا المحبيـــن اﻷ‌خيــــار*****بينك وبيــن الماضــي اسنين وشهــــور
وين الــرجــــال اللي لهـم فعــل جبـّــار*****اللــي على عـــــزّ القبيـــلـه لهــــم دور
وان دق صـوت النجــر وان شبـة النار******دارت مجالســـهم على مطلـــع النـــور
مجالـسٍ فيهــا المعــــارف واﻷ‌ذكـــــار*****واحــﻼ‌لهم تضــفي على كل معســــور
اهل الوفـا اللي تكـرم الضيف والجـــار*****وتاريخهم في رايــة المجــــد منشــــور
حمـَّـايــة التــالي بعيــــدين اﻷ‌نظــــــار******كم واحـــــدٍ مـــن فعلهم بات مقهـــــور
ربعي حمـــاة كلاخ مـن كيــد اﻷ‌شـرار******ومظلله منــــزل صنـــــاديـد ونمـــــور
نجـــل الحميــاني على طـول اﻷ‌عمــار******قمــــة جبــــل ماهــزها كل مذعــــور
رجــالهم فعلـه كمـا الســــيـــف بتـــــار****مــــن خلقتـه ما يقبل الظلـم والجـــــور
حكيــــم رايــه يـوم يعمــنّ اﻷ‌بصـــــار****وينظـــر لدرب الحــق مع كل ناظـــور
واليــــوم وين اللي على نهجــهم ســـار*****يا كثر مـــدح النـــاس والفعل منكــــور
اللي بقى منهم رحــــل ســـر وجهــــار*****بنت الوطن شبت على القلــب دافــــور
تبغى البلـد ترتــاح في ظــل اﻷ‌شجـــار*****وتلعب على مــن حــط مشلح وباكـــور
يبغــى يروح يميـــــن وتردّه يســـــــار*****يمضــي حيــــاتـه بين منهي ومامـــور
يادار مانصخـيــك لـو صـــار ماصــار*****هـــذا الوطن بالعــــز والخيــر مذكــور
وياجــاهل الدنيــا تـرى الوقت غـــــدار*****مــن يأمن الدنيـــــا مغفــل ومغـــــرور
مــن يأمن الدنيــــا غـدا شـــاة جــــزار*****شــــال اللحـــم والعظـم دقـّـه بســاطور
قلتــه و انا في حــكم مـــوﻻ‌ي صـــبّار******كتبت لـي أبيـــــات في جمـلة سطـــور
كتبتهــا ماهمنــــي بعــــض اﻻ‌فكـــــار*****ومــن ﻻ‌مني فيــــها مجمـّـل ومشكــور
وﻻ‌ اقــدّم الدنيــــــا على دار اﻷ‌بــــرار****وعــزِّي لحيٍ في هـوى النفس مجبــور
ماني مذيع أنقــل على النــاس اﻷ‌خبــار*****وﻻ‌ني بشــــاعر مثــل مطلق ومســتور
وﻻ‌ حـِـرفتي تاجـــــر وﻻ‌ني بنجـــــــار****وﻻ‌مهنــتي جنـــــدي وﻻ‌ني بـدكتـــــور
رزقي على المعبـــود عـلام اﻷ‌ســــرار*****الله كــريم وعنــــده الخيـــر ميســـــور
أمشــي على درب الوفــا حيث ماصـار*****ودرب الوفــا للناس ماهوب محضـــور
واخـذت لي في نظــم اﻷ‌مثــال مشــوار*****وفي ماتشــوف العيـــن ماني بمعـــذور
اللــه يحمي الديـــن مـــن كل غـــــــدار****ويعـــز دولتـنا مــع اخـــوان منصـــور
عيــــال أبو تركي بدوا روس اﻷ‌وكــار****والصــقر في مـرباه يِخـِّر له صقـــــور
دام الرخـــا واﻷ‌من في عهــــد اﻷ‌نــوار****والخيــــر عـمّ المملكـــه بــر و بحـــور
نهضــه تجملهــا الحدائـــق واﻷ‌زهــــار*****كأنـها شمس الضــــحى تبعـث النـــــور
كلٍ مشــــى في ظلها جـــل وصغـــــار*****حتى البـدو حطــوا بقــــاﻻ‌ت وقصـــور
بعــــد الشـــقى ناموا على دق اﻷ‌وتـــار****وطـــالت مبـانيهم بعـــد كانت خــــدور
وتســاوت اﻷ‌يـدي على مــــد اﻷ‌شـــبار*****و غنـّى حمــام الورق شرقي ومجـرور
وتعـــانقت بالجــو مــوجــــات اﻷ‌قمــار****وامست تبث اخبــــــار لنـدن وﻻ‌هـــور
وعصـــر الفضـاء والكمبيوتر لنا صـار*****علــم وتقــدم مامضـــى مثلـه عصـــور
من عــــاش يسمـع له تقـــارير واخبـار*****واللي يمــــوت بجنـــة الخلـد مقبــــــور
هــــذا وصلى الله على ســـيد اﻷ‌بـــرار*****نبيــنا المرســـل من الــذنب مغفــــــور