تشوش الهجوس وتعتزي فيك يابن حميد

[راضي بن ذويبان المطيري]

قصيده موجهه للامير/محمد بن سلطان بن جهجاه بن حميد

الاياوجودي وجد من حكم بالتأبيد
من الضيم عاف الزاد والشرب وثيابه

وانأ لي ثلاث شهور موعد بلا تحديد
وأدور صميدع بالمواقيف يدعابه

مشيد صروح ألمرجله دون شرط وقيد
ينوخ ضروف الوقت للي تعزوانه

وانأ بتعزوى في شيوخٍ لهم تأكيد
على الطيب مثل السيف عزه من نصابه

تشوش الهجوس وتعتزي فيك يابن حميد
تعزوا بشــــــــــــــيخٍ وقفته عز لعتابه

وعزٍ لغير اعتيبه إن جوله من بعيد
تعزويت بك يادرع منهو تعزوابه

ياذخر الشيوخ إلي عن الضيم مثل الحيد
أبي فزعتك وفعول الاجواد جذابه

جذبني نباك وجي تلك بالطلب تحديد
لزومي يبي وقفتك مايقبل أنابه

على خوان شرعاء برتكي والصعيب يحيد
شيوخ الفخر والعز واللابه اللابه

مواقف يخلدها زمان الفخر تخليد
ليا جاء السؤال الصعب يلقاهم أجابه

وهذا محمد مفخرة شيخة ابن حميد
تواصل على الأمجاد والنار شبابه

تزيد الضروف وكل مازادت أنت تزيد
يمينك معودها على الكسب كسابه

وريث الوفاء والطيب والعز والتمجيد
هل المجد يومن الزمن ضيق وحرابه

على نجد شيدتوا بيوت الشرف تشييد
بسيفٍ مصقل يقصم العظم مضرابه

سلاطين نجد اللي ماتخضع لأزاد الكيد
خذوها على وضح النقاء ماهي أنهابه

جدودك لهم وقفات مع راية التوحيد
وأنا جيت يامحمد وللحق طلابه

حقوق الو جاهه وأنت حرٍ يجيب الصيد
نهار الهدد يشفيك مضراب مخلابه

أقوله ولا من قمت قزعتك ليه عيد
طلبتك بجاه مطير مع جاهة أعتابه


الشاعر
راضي بن ذويبان العضيله المطيري