على مدار السنه

[محمد الغيلاني]

على مدار السنه نلبس ثياب جداد

تستر جسوم تحاصرنا عذاباتها

ندري ان هذي مظاهر ماعليها اعتماد

بس اغلب الناس تحكمها قناعاتها

البعض منا مسجل في الشهاده اقتصاد

وان حاسب الناس يغلط في حساباتها

بعض المخاليق يزعل لو يجيه انتقاد

ويا كثر ماينتقد في الناس ساداتها

ومن فزعة الطيبين امشمرين الاياد

اشتم من عذب صولتها وجولاتها

وعلى الطريق المؤدي صوب قلعة اجياد

اسابق الناس واعذرب طموحاتها

ماهمني جيت ضربة حظ ولا انقياد

الحظوه اني في اولها ولا اتلاتها

ماحدني مدعي الفتنه على الاجتهاد

لكن تتلمذت ع الدنيا وصفعاتها

شف في يميني وطن غالي وسبحة رشاد

واحمل بيسراي نفس ( العشق مافاتها )

من اول العمر وانا سابح في حياد

ومن لذة الوجد قلبنا سحاباتها

ياصاحبي ودي انظم ملحمة للعباد

لكن تخوفني اكثر في شروحاتها

ناس تبارك وناس سُبلها الانتقاد

والاعظم اللي تحملني تفاهاتها

خذ لك من الشعر قطره يارفيق السُهاد

واصفح الى غيب الالهام وناتها

ان كان ما عانت الحبه شجون الحصاد

ماتنفعك يوم تتذوق ملذاتها

وان كان طول السنه نلبس ثياب جداد

اخشى يجي يوم مانلقى علاقاتها

[علي السلمي الزهراني]

الله الله
صح لسانك
اعدت قرايتها اكثر من مرة
ابدعت فيها

[محمد الغيلاني]

اشكرك ياعلي وهذا من طيبك وانا ابن عمك