كالرياح النكب فاله

[الخضارمي]

يالله الوالي ترفا كل عالة=ترفع النفس لك رفعه قوية
عزة النفس مع التقوى بسالة=للدين مقدامة ماتهدأ روية
خالق الكون وكل شئ لك مآله=يمر ميزان وينظر بالقضية
من عطاك الغني يستحقر ماله=يامغني مرضيك وكرماتك حفية
يامنزل الغيث من غيم وخياله=في البر جنات وبالبحر الثعثعية
مافي الوجود الا قشة من شتاله=وأدنى من قشة من مخازنك الثرية
ربي ياربي اغفر لي في عجاله=مشتاق لرحماتك يارب البرية
واردع أهل الطمع ربع النذالة=الي من مكرهم ياكبر الفرية
خانوا ماأبقوا وللخسة أثالة=في نفوس الي هقواهم هبية
قالوا من قبل جود الناس عالة=جود من ظن حكواته هدية
بس بلانا طغانا طفق باله=غش مافيهم طاف الصهيونية
صابني غدر من حسنه وجماله= صابني ظلم أودى للمنية
حب مجنون في وده وشغاله=بعثر الحب وأسمعنا الشفية
ماهواه الا قلبي وانزواله=يوم وداله ماحسَب للعاذلية
سنين يقفاه وهذا من هباله= معذور ياشارب سحر السامرية
اسمها من القمر والشمس ناله=ماثل بين صفاح المشرفية
لو يجيبون ارسطو مع حباله=وجالينوس الطبيب يحير فيه
علتي علة من عل انشغاله=علة أرواح العلة الصيرمية
أغرار تغذيه ياعمه وخاله=توهم الهايم في رحب الحنية
ثم تنكبه كالرياح النكب فاله= قدمها السافي بأرض جرهدية
ياحبيبي نبي نصف العداله=قص وش صار ببحر السالمية
يوم مشيك على الشاطئ استماله=ليه ميلك علينا مثل المايلية
حبي موفور ولاودي جهالة=عشرين عام وهواك معابلية
منزلك في الحنايا شف ماجراله=ظن منزله من تربك ملحفية
واثره ماطاول وده مع وصاله=غيهب الفكر دونه مظلمية
ينزف الدمع وهذا قلبي واله=وأطلب إنصافي من رب البرية
تاه فكري عقب فحوى اشتماله=وبعد فرقاه ماحالي رضية
والمتيم يغالي في خياله=اغلى معناه بجسلة شاعرية