عليها القدم ثابت ولابيحت سده

[بجاد ابوديه]

كفى هاجسي صبره ولو كان ماوده = يبيح الكنين وغالي النفس يوذيها
صبورٍ على العالات ويزود فالشدّه = ولا ينثني عن هقوةٍ طامع فيها
جزاه الثنا مثني والانظار مّمتده = ليا نظرته شاخت بعالي مبانيها
وعلى الجاهل المجهول مايستحي رده = ولا يختفي عن راس عيطاّ يعديها
عليها القدم ثابت ولا بيحت سده = سوالفك يالغادي لو الناس توحيها
لو ابغاه والله لوصله ياسعد حده = و أرده وأحطه في يدي من مقاضيها
ولكن انا ودي توطىّ على خده = بنات المهونه كل يوّمَه برجليها
عليه المعاني لو تعدته مرتدّه = عليها صَبر والا على الكبد يشكيها
خطاها تطوفه بالوفا وان بغت قدّه = تسوق العميّ هزت عصاها لتاليها
تهقوىَ على رؤس المراقيب من جده؟ = وانا اللي بها قدام رجله تعديها
متى حاجة المحتاج قد سدها مده؟ = لا بوها يدٍ ماتنفع الا لّراعيها
ولا تنفعه يّرد الموارد بلا عِدّه = تسد الشحايذ عن لزومه وتقضيها
وفي غير هذا وين يالمعرفه ضده = لمن ضدته تكسر عظامه وتكويها
تشوف العزوم اكبار لكن منهده = مجرد هروج وهيّن الفعل قافيها
ولا اقول وين الجاه والجاه في صده = عن الواقعه لو كان في باب داعيها
انا ماعرفه والله ولا اعرف بعد جده = ولاعني لقومٍ دون قومٍ باساميها
لقيته مع اصنافٍ توديه وترده = على صورته ترسم مقاله وترميها
ولا نيب في حاجه لعرفه ولا عَده = لكَن عاد لا يبحث من النفس خافيها

الشاعر: بجاد ابوديه العتيبي.