مجنون ليلى

[نواف نايف الحزيمي العتيبي]

يالله ياللي عليك الرزق سبحانه .... يا باسطن سبع و اخرى سبع رافعها
عفوك ليا من جسمي ضم بكفانه .... وجتني سؤالات وين اللي يسنعها
دينك ومنهو نبيك فأول الخانه .... من غير من غير غير و غير تسمعها
البارح العين طول الليل سهرانه .... والفكر ينزل مع النزله و يطلعها
نفس الشقا دايمن فالحب ولهانه .... والحب قبلي رجالن كان طامعها
مجنون ليلى دخله وزود جنانه .... وعقاب مع نوت والدنيا يصارعها
وراكان غنى وكلن يعرف الحانه .... غنى بمحبوته من حين سنعها
وعليا وابو زيد سجنه صك بيبانه .... وهلت عيونه على الخدين مدمعها
ياراعي الدين جاء للدين ديانه .... وشلون نفسك تسليها و تقنعها
ياعين حرن شهر فالجو جنحانه .... يسبق مطير الحباري من مواقعها
راعيه صقار يعرف كيف ميزانه .... ساعة شلع برقعه داخل مرابعها
اليا تعلت تعلا فوق ميدانه .... واليا ارتخت يرتخي للارض رجعها
ناظر ضلوعي على فرقاك حرقانه .... عندي تقارير خاتمها و طابعها
ان المحبه بوسط القلب سكانه .... شهادتن معي كم دكتور وقعها
لو ارفع الصوت احب فلانه فلانه .... قالو علام الحزيمي صار بايعها
و الرجل قالو لسانه دايم حصانه .... احفظ لسانك عن الغلطه وشرعها
الشعر اقوله وهاذي بعض قيفانه .... واسلومنا و المراجل مانضيعها

الشاعر : نواف نايف هلال الحزيمي العتيبي