لشعراء عتيبه

[محمد الغيلاني]

سلام مالاح براق وهلت مزون

للعزوه اللي تكلفنا على شانها

اليوم مديت كف الود والود عون

والطيب والعود الازرق اول الوانها

[فهد بن جميل العتيبي]

والله مانيب بشاعر مير بحاول أتجمل معاك يالنشمي بهالطاروق

يامرحبا وأنت رجالن تجيب الجنون
لو كان بعض العرب ماتسمع ألحانها

أقلط وجيب العلوم وخل بعض الظنون
لو كان عزوتك مادري ويش عنوانها

[محمد الغيلاني]

سلامتك ماهنا ظن ولا يحزنو ن

اخوان في ملة التوحيد واركانها

انا من اديار ماجوها كبار البطون

والشمس ماتشرق إلا فوق صفيانها

[فهد بن جميل العتيبي]

أخوي دايم احنه من جميع الطعون
يمشي على السنه العطره و سيسانها

سييرت للغرب قالت مالها أيات زون
والشرق ماشفت فيها شرع بيبانها


زون كلمه انجليزيه تعني منطقة او مكان

[محمد الغيلاني]

سلمت ياراعي القلب الرهيف الحنون

مثلك يجل الرجال ويكسب احسانها

لجل ايش ماتفتح المعجم وتقرا المتون

وإلا تسل عاقل اعتيبه وشيبانها

[فهد بن جميل العتيبي]

معظم عرب هالجزيره عندي الها فنون
ويوم الرغامه عرفنا الذيب وحصانها

أانته من اهل الجناسي او بطاقة بدون
اسئل وخل التشره تحت غطيانها

[محمد الغيلاني]

أن كان ماتعرف الجما من ام القرون

لاتشغل الناس وتراوغ دنادينها

صحيح الى قيل بعض الناس مايفهمون

وإلا عطيناك ديرتنا وعنوانها

[فهد بن جميل العتيبي]

هو ليه محمد معذب من على المكرفون
زعلان نرضيه لا يطغيه شيطانها

لن كان ضايقك قلي نرفعه ماتهون
والكل منا يوادع والعذر صانها

[محمد الغيلاني]

لاهنت يابو جميل اخوان يتمازحون

في ساعة قدر التوفيق رحمانها

اظني امون مع مثلك وعندي تمون

والنار طفيت جمرتها وعيدانها

[فهد بن جميل العتيبي]

صح لسانك تشرفت بمجاراتك ومنك نستفيد