يا رب عفوك ثور الموت الاكوان .... - الهيـــــــــــــلا *** منتدى قبيلة عتيبة

ذيب المراقيب · 25-Jul-2005, 05:15 PM

يارب عفوك ثور الموت الاكوان ×× صارت على ربعي بغبه سحيله

الموت اخذ صالح نسايل كحيلان×× رجا رجا راع الفعول الجزيله

ستر العذارى يوم روغات الاذهان××يوم ان خطو اللاش عندالحليله

خلا المشورب لازرق البزر نيشان×× يفداه عمر من ضيع دليله

اليا نهار فيه عج ودخان ××× رجالهم بالضد يشفي غليله

وصالح اليا قيدوا بطوعات الارسان××ما ينحني راسه ويحمى دخيله

والموت جا السبع المبلم بليهان×× ابراهيم ابوخالد حصاته ثقيله

والموت اخذ ذيب المراقيب حمدان×× اللي خذا قدام ربعه نفيله

والموت اخذ منا الشجاع ابن هيشان××عطا عطا لاشم ريح الفتيله

ومحمد اللي ما اشتكى منه جيران×× من خلقته ما جا بدرب الفشيله

الموت جاه وقبله فلان وفلان ××× وكم شيخ قوم ما يعوض بديله

والموت حق ولا من الموت جزعان×× اللي دنا يومه يقلط رحيله

لاشك هم ربعي وغالين واخوان ×× واللي فقد غاليه واعزتي له

عسى لهم في جنة الخلد مسكان×× في جاه رب (ن) كلنا ننتحي له

هذا وصلى الله على نسل عدنان×× نبينا المعصوم عن كل عيله

للشاعر / عبيد الله بن سليم القنيفد