مجاراة لـــ شاعر / بندر بن محيا (قديمه)

[عبدالعزيز بن مستور]

السلام عليكم ورحمة الله وبركاتة :


أعيد واكرر اعتذاري عن سبب انقطاعي,,كما يشرفني ان اكون احد أبناء هذا المنتدى العظيم

قصيدة قديمة وكانت المناسبة مجاراه لقصيدة أخوي الشاعر/بندر بن محيا عندما شارك في برنامج شاعر

المليون,,والشاعر بندر بن محيا غني عن التعريف وأخ عزيز

والقصيدة إستجابة ً لطلب بعض الأعظاء الأعزاء وإهداء مني لأخوي(سلطان الفجري)




يقول/ بندر بن محيا العتيبي


حميا بني عمي عمت عين الأنذال*ياطيب عين أللي براسه حميا
وآحدهم يساوي ثمانين رجال*أليا انخي وآلا على الطيب عيا
روس الرجال مذيرت كل خيال*أشاوسن مقامهم في الثريا
يلقابهم راع الولع كل الأمثال*ولا يحاليهم هذاك و هذيا
ذراي لامرت على العين الأهوال*فزعاتهم عن لاهب الوقت فيا
لاجو من اقصاهم مثل برق وخيال*يروون يباس الحلوق الضميا
وان أنكفو عن رحلت المجد الأبطال*في سرمديات المجاهيم ضيا
أن جوك هج الهم ورا الروح مدهال*وسع لهم بين الحنايا كذيا
ثم صب من شعري لهم كل فنجال*وعطهم علوم أللي كلامه تهيا
قل يا الحرار الشقر ذربين الأفعال*أنا اشهدنكم عز بندر محيا
عتيبه الهيلا على كل الأحوال*هل النخاوي والنقا والحميا
_____________________________

قلت من باب التشجيع والأخاء


يامرحبا باللي صدى صوته لحال**ذيب" يجر عواه يا ليل هيا
ترحيت" تبقا على مر الأجيال*ترحيبت" من قلب رحب وحيا
والثانيه حنا معك ريح البال*أن كنت عنا هناك والا هنيا
عتيبه الهيلا من الجال للجال*ماتاجد بين صفوفها من تريا
يابن محيا تبشر بفال" عقال*مدام واحدنا على الأرض حيا
نجيك لو دونك مسافات" طوال*ونطوي عشانك جرهد البيد طيا
واليوم يابندر تبا الخيل خيال*واليوم يومك وانت راع العبيا
بالصبر والمجهود تحقيق الأمال*وتبني من إنجازات شعرك عليا
وان شفت قيراط الذهب صار بريال*وقالوا رصيدك كم وانته من ايا
قل أنشدوا عن ماضي رجال مازال*وانا زبون الحرد بندر محيا
يكفي بياض الوجه عن جمع الأموال*وانا ثري مادام شعري ثريا
وأليا أستدار الحض ياطيب الفال*كم من غنيمه دونها الحض عيا
لك منزله تكفيك عن كل منزال*أن جيت بالمليون والا بليا


وسلامتكم

الحقيقة بيض الله وجه اخوي عبدالعزيز سعد بن مسرع على طرح هذا الموضوع في منتدى برق الحيا
لأني ماكنت حافظ القصيدتين وسويت لها نسخ ولزق