لياصار شفّه ما يوافق لشفيّ

[متعب ثواب الجعيد]

نفسي عزيزه ما تبعت المقفيّ = ما ابى اتبعه لو كان عنده غناتي
ليا صار شفه ما يوافق لشفيّ = فرقاه زينه واشطبه من حياتي
ان كان مايضحك حجاجه يرفيّ = ليا شافني بالود سوى سواتي
والا عنه صدّيت ما مد كفيّ = اغضي عنه وانساه هذي صفاتي
كم واحدٍ لو غاب .طيفه يكفيّ = وكم حاضرٍ كنه من العام ماتي
وبشتٍ عن برود الشتاء ما يدفيّ = ابى احذفه لو زان حذفة حصاتي
طويت صفحه ماضيه في ملفيّ = غلطة زمن راحت علـيّه فواتي