قصيده لكل مهموووووم

[فيصل المسعودي]

السلام عليكم ورحمته الله وبركاته


أخواني هذي قصيده قريتها في أحدى المنتديات واعجبتني وحبيت انقلها لكم


أنا عارف انا مصخناها كل شوي منقول منقول لاكن حنا ننقل اللي يعجبنا


ونتمنى أنه يعجبكم وهذي القصيده:



الا يالله عفـوك لا معـي بيجـر ولا جـوال* ولا عندي وضيفـه والتجـاره فاشـلٍ فيهـا

ولاعندي شهـاداتٍ ولاحرفـه تسـد الحـال* ولا حـظٍ كبيـر لا اخطـت الجـره يقديـهـا

مخابي الثوب تومي مادخلها من زمان ريـال* بها فاتـورة الكهـرب ولا يمدينـي اقضيهـا

علىذيك العراوي تتعب الحادي مـع الجمّـال* ثلاث اشهور فالورشـه وشهريـنٍ مغطيهـا

ابيها لو تجمّل يـوم واجلبهـا علـى الـدلاّل* يجيها واحـدٍ حظـه مثـل حظـي ويشريهـا

نصيت العسكريّه يوم قالـوا للنظـام رجـال* وقدّمت الملـف وصـورةٍ متشخـصٍ فيهـا

خذا الاوراق مني واحدٍ مـا عنـد ابـوه دلال* سلوم الناس واهل المعرفه والطيب مخطيهـا

قراها في دقيقه والتفت عجـلٍ علـي وقـال* شهادتك العظيمه يا ولد ويـن انـت مخفيهـا

هزّيت الراس ماعندي تقول اني مـن البنقـال* وقمت احـب خشمـه واطلبـه بالله تمشّيهـا

حذفها من يده شين الطبيعـه والنبـا والفـال* وقال ازين تعـوّد صـوب نوقاتـك تعشّيهـا

تناوشته من الكرسي وعفت الحل والترحـال* وضربته بالبياله عقب مـا بيّحـت شاهيهـا

خذوني للسجن لا نيـب لا ظالـم ولا محتـال* مجرّد واحـدٍ جـا يكحـل عيونـه فيعميهـا

ويوم اني خرجت اقفيت لارض الله وسيع الجال* علـى بـرٍ هـواه يـداوي العلّـه ويبريهـا

ادوّر قصعة الجربوع والظـب الفتـي يختـال* والارنب يا شفاة الروح ما احلاهـا وطاريهـا

بـلا كهـرب ولا بيجـر ولا غـازٍ ولا نقّـال* قوانين الحضاره لا تبـي شوفـي ولا ابيهـا

[أبو فيصل]

الله عليـــه

بصراحة قصيدة جزلة

الله يعينه و الله انه ابدع فيها

الله ييسرها معه

و صح لسانك ياخوي و لسانه

تحياتي

التوقيع

لا إله إلا أنت سبحانك إني كنت من الظالمين

[فيصل المسعودي]

هلابك الشيباني


مشكور للمرور الكريم وصح بدنك يالغاااااااالي


تحيااااااااااااااااااااتي

[فهد العصيمي]

يالله إني دخيلك من رداة النصيب ....

صح لسانك ولسان شاعرها

قصيده تستحق الإعجاب أخوي فيصل لاهنت على النقل

تقبل مني جزيل الشكر

ابومشاري

[فيصل المسعودي]

هلابك يالبناااااااخي


صح بدنك ورداة النصيب شينه الله لايردي لا نصيبنا



ومشكور على مرور ك الكريم


تحياااااااااااتي

[فواز الشيباني]

اخي فيصل العينه هذاء كثيرين في زمنا الله ينولهم الوضيفه الف شكر على النقل الموفق الف شكر والله يكثر من امثلاك في المنتداء


اخوك ابوطلا ل

[قرنــاس الصبيحي]

ماشاء الله عليه قصيدة جزله قصيدة تشابه قصيدة صروف الزمان لبديوي الوقداني


تحيااااااااااااااااااااااااااتي المسعودي

[فيصل المسعودي]

هلا بك أبو طلال


ايه والله وووواااااجد والله يعينهم ويرزقهم وتشكر لمرورك الكريم



تحياااااااااااااتي

[فيصل المسعودي]

هلا بك الصبيحي


جزله ونا خوك من شيء ذاااااقه الله يعينه


تحيااااااتي ومشكور للمرور الكريم

[((الدلبحي))]

تسلم ياغالي والقصيده سبق وان نشرناها في المنتدى وهي

لشاعر سعد بن جدلان الاكلبي

تحيااااااااااااااااااتي