كان في العصور الجاهليه اذا استبشر الرجل بان جاه بنت لايفرح ويزعل كان جاه شيطان. حتى في هالزمن فيه اغلب الرياجيل يزعلون ببشارة البنيه. وفيه بعض القبايل الثانيه بعض اللي قابلتهم لجاب سيره بنت كملها بتكرمون. بطرح عليكم موضوع صراحه مقتنع قناعة تامه فيه الا وهو الفرق بين البنت والولد والفرق بين بنت البدو عن غيرها طبعا عاميا ماخص شي معين وبذكر لكم قصص لم اصدقها صفات بعض البنات تعتز فيها بنت البدو .
شايب مر على عمره السبعينات كافح وذاق المر والامرار عشان يقدر يامن الستر والمعيشه لعياله وبناته برغم كان وقته وقت جوع وفقر ماهو مثل هالحين. هالشايب كل بدوي لايقرا ولا يكتب بسيط وقنوع على فطرته قال الله وقال رسوله. اول شبابه يفتخر بالعيال ولا يعبر البنت كانها ضيفه عنده بيجيلها يوم وتروح مع زوجها ويمكن معاد يشوفها بس اللي شافه واللي صار شي ماصار من قبل في اجيال اجداده والاجيال القديمه بسبب ضعفها ومقدورها فى السابق. حيث ان الاب كان يعتزي بولده وحاطه على يمينه وهو اللي قايم فيه يصارفه ويجيب له المال من شرق وغرب همه اهله تلاقي البنت وقتها عند اهلها ينتهي بها عند زواجها اللي صاير هالحين وانا سمعت وشفت على الواقع تلاقي الشايب وعنده مشاءالله اربع خمس بنات موظفات ورزق هالمسكين على الله ثم على بنته اللي تجيه كل شهر وتحط رويتبها بين يديه ولا تنشد عنه. وتشوف باين عليه انه بخير وماهو بحاجه احد رغم انه لاوظيفه ولا عمل وان كان عنده وظيفه رويتبها ماتسد ضرمه حلاله. واذا جاه احد يخطب احد بناته تلاقيه متردد مايبغى بنته تروح عنه ولو ماهو خايف من الله كان مازوجها واذا تزوجت وراحت مع رجالها تلقاها حريصه وشايله هم هالعود المسكين واذا استلمت راتبها اخذت منه شويه والباقى حطته بيد ابوها اذا ماهو كامل. بيض الله وجه ابو جابها عزالله انها بدويه اصيله بنت رجال. تعال شوف الذيب ولد ابوه بهالزمن طبعا الاصابع ماهي بسوا اتكلم عن اكثر الابناء. تلقاه باول دراسته مايمشي الا بالدف هذا ان نجح وان كثرها جاب مجموع يمشي حاله بعد مايذوق شايبه العلقم ويطرده من مكان لمكان ويصارفه فوق عشرين سنه الله اعلم وشلون يجيب مصاريفه ومصاريف دراسته والامر والادهى فيه بعضهم تلاقيه طول حياته الدراسيه سوات زقايره اللي يشتريها من فلوس هالشايب المسكين. ولاتخرج صال وجال هالشايب يروح يتطلب اللي يسوى واللي مايسوى عشان يوظفون ولده . واذا توظف اول راتب فرطه على شلته وعلى الخرابيط اللي مالها داعي. وكل سنه تلقاه مسافر بالخارج وابوه تلاقيه مشتف على خمس مية شهريا من راتبه بس يضغط على نفسه ويقول مسكين ولدي وراه زواج الله يوفقه. واذا بغى هالهيس يتزوج رجع لابوه يبغاه يمشي معه ويخطب له وهو منتف لا وراه ولا دونه . يضطر هالشايب يرقع لولده ويبيع نص حلاله من جهه ومن جهه ثانيه يرمي نفسه على معارفه ويدبر الباقى بوجهه. اعرس ابو الشباب وجاب بنت الحلال بيت ابوه واخذ له غرفه ولا اخذ بيت طارف وحط ابوه بالامر الواقع. وتلاقى الابو يقول في نفسه ضعيف مسكين ماعنده شي. واذا مرت سنين وكثرت البزارين تلقى هالولد لاحس بانه انحشر قال بروح لابويه ثم قش معه عياله كلهم وحضر على ابوه ايد ورا وايد قدام وجهه مغسول بمرقه حتى كيس السكر ماهو معه. هالشايب المسكين بلشان البيت ملينا تقول خليه نحل والحال فقران وده يقول لعياله نعنبو حيكم انتم مافيكم دم؟ انا الشايب اللي يالله اقوم من وين تبوني اوكلكم واوكل عيالكم؟ بس عاد مايقدر يقولها يخاف انه يخرب فرحته بشوفه عياله وتلقاه يبرر لنفسه يقول مساكين فقرا ماعندهم شي. سبحان الله ماعظم الابو وده يقطع من لحمه وياكل عياله حتى لو انهم شيبان مثله. وتلقى هالبليد مايبالغ داق حنك على حنك ساكن بلوشي واكل بلوشي على حساب هالشايب.
وفيه بعضهم لاطفش من الوظيفه تكى ابو الشباب بيت ابوه وترك وظيفته وقعد عند حرمته يهايط ويهاطع وابتلش فيه ابوه وصار يزخه من هالرز والدجاج والدله شغاله ماتنفضى.والهيل غالي الله يعين هالشايب ويعوضه بالاجر.
هذا حال بعض شباب البدو فى زمنا الحاضر الله يصلح عيالنا ولا يمشون درب هالنواقص.
في هذه الحاله شفنا الفرق بين بعض البنات وبين بعض العيال وحقيقه انا شفت هالفرق في واقعنا اللي عايشين فيه ويمكن انتم شفتو وسمعتو . الله لايغير على هالبنيات الاصيلات ويعوضهن الله الف خير ويصلح هالعيال اللي عاله على اهاليهم ونقص عزالله ان البنيه حنون لبوها وبيض الله وجهه يوم يعتصبها راسه ويقول هذى عصبت راسي . فنحمد الله العزيز حنا البدو سوا كان اب او اخ او جد اوعم او خال انه اصلح بناتنا وميزهن عن غيرهن من الفصائل الثانيه واللي نسمع عنهم شي مايشرف اهاليهم . وخلوني اقولكم بعض القصص التي سمعتها ويمكن بعضها باشرتها سوا بالمخاطبه او بالنظر فيه بنت من هالبنات اللي نشوفهم هاليومين في المدن تقول اقسم بالله العظيم ان اخويه يستعملني من يوم كنت في رابعه ابتدائ حتى الان وانا بالجامعه وعمري 22 سنه وهو عمره 28 سنه فى بدايه الامر كان يجيها بالمنام ويفعل مايريد وهى مطاوعته وساكته مسويه نفسها راقده وبعد الحج الماضي جاها مباشره ولاول مره يطلب منها هالشي وجه لوجه مستغل فرصه خروج اهله من البيت ولما رجعو اهلهم علمت ابوها وامها تخيلو ردو عليها بانها كذابه وتفترى على اخواها. تقول انها طفشت من هالشغله وماصدقت انها تواجه واقعها بطلب اخوها لها مباشره وعلمت اهلها وكانها ماعلمت الا حجر. لحول ولا قوه الا بالله شي مفجع. وحده ثانيه ساكنه بسكن الجامعه تقول لاحد الشباب حنا الان نكره الشباب ومعاد يملون عيونا ونعتبرهم مثل الحجر مايهزون فينا شعره . الحين فيه موضع جديده بنت مع بنت شي مرغوب واكثر البنات يمارسون هالاشياء نسأل الله الصلاح والستر. واحد يقوللي بلسانه والله القيامه بتقوم شف هالسالفه لي صديقه اكلمها كل يوم وكلمتها مره وصادف انها معزومه هي وزوجها اللي معزوم مع اصحابه بيت واحد صحيب لهم قال هي تقول ازواجنا تحت يشيشون ويلعبون ورقه وحنا فوق كل وحده مع الثانيه . يالله سترك ورضاك ابك الدبش وش اكلين يالله لاتبلانا. شي طبيعي راح تكون هالنتايج كذا اذا البنت تلاقيها سوات بناطيلها قدام اخوها ولا تلاقيهم يتفرجون على الفضائيات سوا ولا تلاقيهم على النت سوا والاب والام مستانسين عيالهم متحضرين ومتطورين على قولتهم انتكيت. ولا تلقاء البنت تطلع مع السواق لابسه المخصر والمقصر وابوها وامها معجبين باناقتها وترتيبها على قولهم. اشياء كثيره فيها العجايب والاعجاب ويمكن انتو اعرف منى بها او شفتو امر وادهى. حسبي الله ونعم الوكيل ولا حول ولا قوه الا بالله اللهم استر علينا واحفظنا واحفظ اهالينا وبناتنا وابعدهم عن هؤلا وعن افكارهم واطباعهم.
ولقد ذكرت هالموضوع لافتخاري بنت البدوي الحشيمه العفيفه النشميه والله يحميها من كل هالافكار اللي يسمونها ابسط حقوق للبنت.
وتقبلو تحياتي واعتذر عن اطاله الموضوع ولا انه فيه الكثير.
« آخـــر الـــمـــشـــاركــــات »
18-Jul-2005, 10:25 PM
البدوي يفتخر ببنيته عصبت راسه
العرض العادي
