بسم الله الرحمن الرحيم مساء الخير عليكم جميعا
وكل عام وانتم بخير بمناسبة قرب دخول ايام العشر المباركة
هذه مشاركة بسيطة بعد انقطاع عن النشر لظروف العمل
هب نسناس الهوى للهواوي واستهاض=هيضه قمريةٍ غردت بلحونها
جر صوته مع طربها وهجسه معه فاض=وبيحت نفسه مع لحونها مكنونها
قلبي اللي في هوى الخشف روّح ما استراض=ويل حالي كانها ماتسد ديونها
ودها غيثن هطل وامتلت منه الفياض=وقامت طيور الحشى تستثير فنونها
صاحبن لامن تبسم تقول البرق ناض=كم سرى مع ضحكته من تسوق ضعونها
فيه من وصف المها لفتته والاعتراض=وفيه من وصف الشياهين رسم عيونها
عودها لامن تثنى دقاقه والعراض=قامت تحوم المنايا على مفتونها
واهجٍ في لبته لا سطع هاك البياض=كن شمس القايله تستعير بلونها
مهرتن ماكل من شاقته ورد الحياض=دونها سيوف العرب والعرب من دونها
وربي اللي ساقني يمها دون اعتراض=حكمة الله ما اعترضنا على مضمونها
جيتها وامسيت بين المناهل والرياض=واثر ليلي خصلتن حولت بمتونها
وسلامتكم
اخوكم : بدر بن ربيعان (طير الهيلا)
15-Oct-2012, 05:22 PM
هب الهوى
العرض العادي
