المريض اللي كسوره ماتجبرها جبيره@خمسه وعشرين عام وما انقطع ساعه ونينه

[سفير المرجله]

السلام عليكم ورحمة الله وبركاته


محاوره شعريه جمعت كلا من الشاعر عبدالمجيد الجهني والشاعر بكر السناني


عبدالمجيد الجهني
ياسلام ومرحبا والاوله قبل الاخيره@ضيف في حلة سنان وشاعر امثل جهينه
يابكر ياصاحبي من بيننا خوه وجيره@والله الله ياالسناني بعد ماجيت المدينه



بكرالسناني
مرحبا والاول الاول ولانقبل بغيره@ومن برك للحمل قلنا ياعسى ربي يعينه
الكبيره بالكبيره والصغيره بالصغيره@ياعساك تحفك الرحمه وتغشاك السكينه



عبدالمجيد الجهني
تستحق انته حداهم مير تابع بالمسيره@ولا انا شاعر وتاجر عملتي دايم ثمينه
المريض اللي كسوره ماتجبرها جبيره@خمسه وعشرين عام وما انقطع ساعه ونينه



بكر السناني
الحجوري لو تحزم بالسلاح وبالذخيره@مطلبه ماياصله واقول ربي لا يهينه
الله انه يستر العالم ويغشيها الستيره@ومثل ابن مرزوق لو يمرض مانحسبها غبينه



عبدالمجيد الجهني
ابشر اني مع رجال العرف غازي كل ديره@والسناني لو تحيمر كحلنا في وسط عينه
يا السناني طيع شوري رد سيفك في جفيره@والله اني لو نويتك لا اعجنك مثل العجينه



بكر السناني
عام الاول بنت ياعبدالمجيد وقيل خيره@عدت مثل اللي مضيع حاجته واقفى بدينه
اعرفك ماترد جيش ولا انت نطاح المغيره@فالبدايه مبلش العالم يردد في حنينه



عبدالمجيد الجهني
الحجوري وده يقلدك سيفه مع بعيره@والحقيقه في علوم المرجله منته سنينه
ياسنان اصحابنا ماودنا كشف الستيره@رجعوا بكر الحفيره جعل ربي مايهينه



بكر السناني
كيف تظلم حظك وسيفي على غاربك اديره@روح وانشد ياوسيع العرف عمتك اللعينه