لوتنازلت عن حقي حياتي خساره .. شعر ابوقاسي العتيبي

[طالب الروقي العتيبي]

.(لوتنازلت عن حقي حياتي خساره )
هذه القصيده وجهتها للمدعو/ناصر الحرازي بوزارة حقوق الانسان اليمنيه ان كان للانسان حقوق باليمن وانا اشك في ذلك..وهذه بعد ان ظربته في مكتبه ..حتى ارغمته بتعديل توجيهاته اللماطله بحقي.
العتيبي يقول المعذره ياحرازي
ارتفع ضغط دمي من جواب الوزاره
ليت المانياء تقبل تاشر جوازي
ربما غربة الروقي تعيد اعتباره
بعدمهد العرب باكون غربي ونازي
لاقد الغرب افضل من بلاد الحضاره
رغم حب...ي... لشعبي والوطن واعتزازي
موطني من يوفر عزتي في دياره
يشهد الله لاخائن ولا انتهازي
لاولاغايتي غير الكرامه تجاره
للنساء لوقبلت الذل باطرح جهازي
يا اخي ناصر اقبل من اخوك اعتذاره
وانت لوتدرس اوراقي وشفت ابتزازي
ربما تعذر الروقي ليا خذ بثاره
موتي افضل اذا باعيش مضلوم خازي
لوتنازلت عن حقي حياتي خساره
في 2006م
ولازلت اتمنا ان تلبيب اوالمانيا تمنحني الاقامه فيها لاافارق الوطن العربي مقبرة الاحرار الشرفاء

الصور المرفقة

الشيخ ابوقاسي العتيبي.jpg‏ (16.3 كيلوبايت, المشاهدات 1)

آخر تعديل طالب الروقي العتيبي يوم 27-Jul-2012 في 03:28 AM.

[حمدان العضياني]

صح لسانك تعال بس لعاصمة الهيلا نجد وتشوف الكرامه بعينها

تحياتي لك يابطل

[خالد سفر العتيبي]

الله يذكرك بلخير اصبحت فعل ماضي مبني ع المجهول

[خالد سفر العتيبي]

الله يذكر ايام التوقيف بلخير يطالب كم مره كلبشوني قبل لايكلبشوك بس الكلبشه تعلمك الصح من اللي ماهوصح

[طالب الروقي العتيبي]

المشاركة الأصلية كتبت بواسطة خالد سفر العتيبي

الله يذكرك بلخير اصبحت فعل ماضي مبني ع المجهول

اخي خالد اشكر ردكم وعلى قدر اهل العزم تاتي العزايم وتاتي على قدر الكرام المكارم
وتكبر في عين الصغير صغارها وتصغر في عين العظيم العظايم

آخر تعديل طالب الروقي العتيبي يوم 01-Aug-2012 في 06:00 AM.

[طالب الروقي العتيبي]

المشاركة الأصلية كتبت بواسطة خالد سفر العتيبي

الله يذكر ايام التوقيف بلخير يطالب كم مره كلبشوني قبل لايكلبشوك بس الكلبشه تعلمك الصح من اللي ماهوصح

حياك الله اذا طلبنا منك الفزعه لاتفزع لنا والسجون ديار الوحوش والابطال يا ولد العم ماتخيفنا الكلابش اهم شي انها على شي يرفع الراس ويبيض الوجه ولك مودتي

آخر تعديل طالب الروقي العتيبي يوم 01-Aug-2012 في 05:58 AM.