قصيدة بمناسبة زيارة صاحب السمو الملكي الأمير فيصل بن مساعد آل سعود لمحافظة بقعاء

[نايف العبيد العتيبي]

قام صاحب السمو الملكي الأمير فيصل بن مساعد بن سعود بن عبدالعزيز آل سعود
رئيس فرع هيئة الفساد بمحافظة جدة بزيارة لمحافظة بقعاء أمس الثلاثاء 15/7/1433هـ
حيث أستقبل بكل حفاوة وترحيب هو وصحبه الكرام وتجول خلال زيارته في محافظة بقعاء
وزار عدد من دواوين أهالي بقعاء حيث شرفني سموّه بزيارته لمنزلي , ليتوجه بعد ذلك
إلى المكان المعد للإحتفاء به من قبل مضيفه الأستاذ ماجد الحمْد العبيد , حيث تواجد عدد
من أهالي بقعاء والذين أستقبلوه بكل حفاوة وترحيب وبعد ذلك تناول الجميع العشاء المعد
بهذه المناسبة .
وهذه القصيدة تشرفت بإلقاءها أمام سموّه الكريم :

بسم ربي خالق الكون الفسيح = ابتدي قصيدتي يا أهل الحفل
شاعرٍ معروف ولساني فصيح = انثر الإبداع والشعر الجزل
عند أبو عبيد أنثر أشعاري وابيح= دعوةٍ جتني وعنها ما إزل
وبعدها يامرحبا مافاح شيح = باللي نوّر ديرتي يومه وصل
ياهلا بفيصل أبو وجه ٍ فليح = حايل وبقعاء بشوفه تحتفل
الفخر يزهاه وأبيات المديح= فيه تحتار القوافي والجمل
جِدّه معزي أبد ماله نطيح= الملك عبدالعزيز اللي رحل
وحّد الدولة على الهدي الصحيح= وأزهرت من عقب ماكانت محل
كم خصيمٍ من سطر سيفه طريح= وكم يتيمٍ من سخاء كفه كفل
جعله بقبره سعيد ومستريح= ياجره ربي على خير العمل
وابو متعب جعل يفداه الشحيح= مملكتنا تحت ظله تحتفل
هو ذرانا عن هبايب كل ريح= خادم البيتين تخضع له دول
ونايف برايه وفي شوره رجيح= يمنى عبدالله ولي عهد وأمل
في قراراته و وقفاته صريح= العدو يجفاه نومه لا زعل
ياعسى ربي عن الدولة يزيح= المصايب والبلاوي والجهل
واسمحوا لي دامي اوجزت القريح= خير قول المرء ماقل ودل

وسلامتكم ,,

[سعد حميد الثبيتي]

لله درك قصيده في محلها لك ودي وتقديري

[نايف العبيد العتيبي]

لاهنت ياسعد وصح بدنك
واشكرك على الحضور المشرّف طال عمرك

دُمت بود

[عايض جزاء العصيمي]

صح لساااااااااااااااااااااااااااااانك