خالد هاك العلوم

[فلاح الواهبي الشهراني]

مرحبا يالمكودر وهاك العلوم =بعد زان العمل بعد زان العمل
المكودر رجل محترم ومحشوم=قوللي وش حصل قوللي وش حصل

[خالد الزيد المكودر]

المشاركة الأصلية كتبت بواسطة فلاح الواهبي الشهراني

مرحبا يالمكودر وهاك العلوم =بعد زان العمل بعد زان العمل
المكودر رجل محترم ومحشوم=قوللي وش حصل قوللي وش حصل

يا هلا بك عسانا نسد اللزوم= و لا يبان الخلل لا يبان الخلل
و انت شخصٍ عداك الخطا من قروم= و المكودر جمل و المكودر جمل

[فلاح الواهبي الشهراني]

الجدي ينعرف دوم بين النجوم=مير غيره ضئل مير غيره ضئل
وش يحدك لدرب الوعر والهموم=وانت رجل(ن) بطل خابرينك بطل

[خالد الزيد المكودر]

المشاركة الأصلية كتبت بواسطة فلاح الواهبي الشهراني

الجدي ينعرف دوم بين النجوم=مير غيره ضئل مير غيره ضئل
وش يحدك لدرب الوعر والهموم=وانت رجل(ن) بطل خابرينك بطل

الجدي بعض الاحيان دونه غيوم= و تكتنفه العلل تكتنفه العلل
كل دربٍ سهل غير عند الرخوم= لابسين السمل لابسين السمل

[فلاح الواهبي الشهراني]

رفرفت راية اهل الوفا والسلوم=والضعيف رمل ماش لوهو رمل
انته تخاف ليل الدجا والحلوم=قيدك بالحبل قيدك بالحبل

[خالد الزيد المكودر]

المشاركة الأصلية كتبت بواسطة فلاح الواهبي الشهراني

رفرفت راية اهل الوفا والسلوم=والضعيف رمل ماش لوهو رمل
انته تخاف ليل الدجا والحلوم=قيدك بالحبل قيدك بالحبل

العرب حاشهم ذا الليالي هموم= و جرحهم ما اندمل جرحهم ما اندمل
كان تملا بجسمك جديد الهدوم= انتبه للزلل انتبه للزلل

[خالد الزيد المكودر]

الوقت متأخر يا فلاح

و النوم سلطان

شكرا للدعوه وشرفني اللعب معك

و لنا لقاء آخر

[فلاح الواهبي الشهراني]

انسدح في الزوايا وضل امكتوم=انت تنطح جبل انت تطنح جبل
لاجل عين الكرامه هلك الف قوم=ويش درا الخبل ويش درا الخبل

[خالد الزيد المكودر]

المشاركة الأصلية كتبت بواسطة فلاح الواهبي الشهراني

انسدح في الزوايا وضل امكتوم=انت تنطح جبل انت تطنح جبل
لاجل عين الكرامه هلك الف قوم=ويش درا الخبل ويش درا الخبل

يعني ما بغيت ختامها مسك

أثر شهران فيها خدم و امخدوم= و انت خادم شمل و انت خادم شمل
و في الطيور الحرار الكواسر و بوم= و انت تسري اللّيُل و انت تسري اللّيُل

[فلاح الواهبي الشهراني]

حياك الله وتشرفنابك بعد