قـالـهـا الـلــي لا تـكـلـم مايـبـالـي - الهيـــــــــــــلا *** منتدى قبيلة عتيبة

سعود عيد العضياني · 30-May-2012, 03:18 AM

هذه ابياااااات متواضعه اتمنى ان ترتقي لذائقتكم

آه ياعـواض مــن جــور الليـالـي= حملتنـي حمـل وانـا مـا استطيـعـه
ماحسبـت احسابهـا مــراً وحـالـي = وثـرهـا تــدور دوراتــاً سـريـعـه
اصبحت وقـت ودهـر وانـا لحالـي = اصرم العود الخضر واقفى ربيعـه
والتفت يم ابن عمـي وابـن خالـي = وانتظـر باكـر وعينـي فـي تبيـعـه
والاكيد اليـا زعلـت وضـاق بالـي = مستعـد اضيـق اصـدوراً وسيـعـه
ون تهيضـت وطـرالـي ماطـرالـي = مستعـد هيـض شـيـوخ الشريـعـه
واحمد الله واشكره فـي كـل حالـي = دام راسـي حـي فالصعبـه مطيـعـه
ولــحــداً بـكـامــل ولله الـكـمـالـي = مـــار كـــلً وده انـــه فالطلـيـعـه
والاوادم تختلـف فـي اول وتـالـي = فالمـواهـب والمـذاهـب والطبيـعـه
ويوم جانـي علـم عبـر الاتصالـي = قلتهـا تشجيـع لــروس الشجيـعـه
نآخذ من الوضح ضافيت السبالـي = مستمـعـنـا فالـمـذيـع وفالمـذيـعـه
الـبـل اخـيـار المـراجـل لـرجـالـي = هي حلال اهـل المقامـات الرفيعـه
يـوم خطـو الاش عنـد ام العيـالـي = تاجـراً بالـهـرج يشـريـه ويبيـعـه
إيتمصلح بيـن الاقصـى والموالـي = عايـش ً بالكـذب يـامـال القطيـعـه
ون حصل لي ردهـا جالـي مجالـي = اعتبـرت الاولــه غلـطـه شنيـعـه
ووصي اصحاب الفضيله والمعالي = حصنوهـا داخـل احصونـن منيعـه
قـالـهـا الـلــي لا تـكـلـم مايـبـالـي = كلمتـن ماهيـب مـيـل ولا هزيـعـه

عزارم · 30-May-2012, 03:25 AM

صح لسانك ياطيب

عايض جزاء العصيمي · 30-May-2012, 05:08 AM

صح لساااااااااااااااااااانك مليون على هالقصيده الرااااااااااااااائعه

وتقبل مروري

راشد النفيعي · 30-May-2012, 05:36 AM

صح لسانك وبيض الله وجهك

عثمان الثبيتي · 30-May-2012, 05:48 AM

اصبحـت وقــت ودهــر وانــا لحـالـي
0000000000000 اصـرم العـود الخضـر واقفـى ربيعـه
والتفـت يـم ابـن عمـي وابـن خـالـي
- 0000000000 - وانتـظـر بـاكـر وعيـنـي فـــي تبـيـعـه
والاكـيـد الـيـا زعـلـت وضــاق بـالــي
- - 00000000000 مسـتـعـد اضـيــق اصـــدوراً وسـيـعـه
ون تـهـيـضـت وطــرالــي مـاطــرالــي
- - 000000000000 مسـتـعـد هـيــض شـيــوخ الـشـريـعـه
واحمـد الله واشكـره فــي كــل حـالـي
- -0000000000 دام راســي حــي فالصعـبـه مطيـعـه
ولـــحــــداً بــكـــامـــل ولله الــكــمــالــي
- - 00000000000مـــــار كــــــلً وده انــــــه فـالـطـلـيـعـه
والاوادم تخـتـلـف فـــي اول وتــالــي
- - 00000000000فـالـمـواهـب والـمــذاهــب والـطـبـيـعـه

الشاعرسعود عيد العضياني

تذكروا هذا الاسم جيداً

فانه من طينة العمالقه كالزلامي وبن جدلان وسداح والمويهي

الله لايضرك ياسعود صح السانك يعلم الله اني ما اعرفك وانته تعلم ذلك

ولكني رجل صريح وابدي وجهة نظري بدون تحفظ وربما خسرتني كثير وكثير

اهتم وثابر وسوفا تصل رغم ان الطريق صعب في عصر المجاملات والشليليه

اتمنى لك التوفيق ايها الشاعر المبدع

التوقيع

انكان طاب الوقت وانكان ماطاب=مايختلف نهج الشجيع وطموحه

اما اقبلوني هكذا سلب وايجاب = والا ودعاً والعذر والسموحه

اذا انقفل باب انفتح غيره ابواب = وكلً على ما قالوا ادرى بروحه

آخر تعديل عثمان الثبيتي يوم 30-May-2012 في 05:54 AM.