تايه بدنيا غريبه

[حمود العازمي]

تايه مع الدنيا




من لام طفلن رضيع ولاسكت من بكاه
أمه صلاة الصبح تعطيه من ديدها
لعل يرتاح لوتسهر وتلقى رضاه
تدعي من الله تعالى يحفظ وليدها
ياعل سيل أنتحا نشرب من أرزاق ماه
والطرقه اللي بعيده ينطوي قيدها
من يطلب الله عطاه ولايخيب رجاه
يالله تجمع قريب الناس وبعيدها
يالله طالبك في كل السعه وأتجاه
أنك تطفي لهيب النار لاتزيدها
أشتقت شوق الغريب اللي ترك ماوراه
والصخره اللي كبيره جالس بحيدها
يدرس هموم الزمن ماقيل له وش بلاه
ولا نهار العياد يغيب عن عيدها
ماكنه إلا يتيم ولاكتفى من عناه
يشيل همه ونفسه مابرد كيدها
تايه بديره غريبه مايعرف أتجاه
يصفق يدينه من الدنيا وتعقيدها
كفكف دموع الحزن يشكيبها من شقاه
وهمومه اللي توجد من تواجيدها
يالله يامنزل الوحي نزل من سماه
أنك تنزل رضا رحمتك وتجيدها
ماغيرك اللي يمد العافيه من عطاه
وقلوب من زود فضلك زاد تحميدها





الشاعر حمود عبيد العازمي