الله ومرنا بالمواصل والاحسان

[رائد العالي]

بسم الله الرحمن الرحيم



السلام عليكم ورحمة الله وبركاته



بعد غيبه طويله عن شعر النظم اعود لكم بهذا النص



والحقيقه له موقف مؤثر مما دفعني لكتابة هذه القصيدة



حيث وردني من أحد الأصدقاء قصة اخوين متقاطعين لسنوات حتى مايسلمون على بعضهم



فكانت لي هذه الوقفه





أتمنى أن تجد القبول





وهي موجوده صوتيه

الله ومرنا بالمواصل والاحسان=وحرم علينا قطع وصل القرابه
جعل بوصل الرحم رفعه للانسان=وفضل عظيم مبينه في كتابه
يثلج صدور ويطرد هموم واحزان=ويزيل عن صدر الكئيب الكأبه
ورغم المسافه والتباعد بالاوطان=الحر يوفي لو يطول غيابه
الوصل شيٍ مايقدر بالاثمان=والقطع شيٍ مايجوز ارتكابه
والناس لو يخطون في بعض الاحيان=اللي معه عقله يعود لصوابه
حتى لو انك جاك زله وزعلان=درب المقاطع جنبه وش تبا به
مسلك ضعيف النفس وضعيف الايمان=يلعب به الشيطان ويصك بابه
وشلون صار القطع مابين الاخوان=هذي غريبه في زمان الغرابه
ملعون يالشيطان تسعى على شان=تفريق شمل وذنب قاسي عقابه
خافو من الله واستعدو من الان=اقفو عن الهجران وارمو ثيابه
ترى شتات الشمل للشر عنوان=دربٍ يجيب الهم للي مشابه
روح اعتذر لو كان ماانته بغلطان=هذا شرف يستاهله من بدا به
واليا صفت نيتك لو كان ماكان=والله لتلقى عند ربك ثوابه
يالله ياللي خالق الانس والجان=يامن وعدت اللي دعا بالاجابه
اجمع شتات الشمل واجزى بغفران=للي بدا بالصلح واللي سعى به
وصلاة ربي عد همال الامزان =وعداد مادن الرعد في السحابه
على رسولٍ حط للحق برهان=الرابح اللي في الحياه اقتدى به

[أخو جوزا]

صح لســـــــــــــــانك

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[مخلد منصورالثبيتي]

رائد صح السانك وبيض الله وجهك

[فيصل مطر]

صــــح لسـانـكـ

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[رائد العالي]

اخو جوزا صح بدنك

[رائد العالي]

مخلد وجهك ابيض وصح بدنك

[سعد بن مطلق المقاطي]

صح لساااااانك رايعه

التوقيع

ديــــــــــــــــواني

[رائد العالي]

فيـــــــــــصـــل صح بدنك

[ذعير العالي]

صح الساااااااااااااااااااااااااانك يابوسعد

وبيض الله وجهك

[عايض جزاء العصيمي]

صح لسانك


تحياتي لك