الحب الخفي !!! قصيدة

[فداء عتيبه]

البارحه هبت عواصيف واعصار ******* مقرها بعوج الضلوع معقوله

هاج الجمل وصويحبه صارمحتار ******* وسط الخفوق اللي تزاحم علوله

حب(ن)بقلبي كنه الطير لاطار ******* له ماكر(ن)عسر(ن)على الجن نوله

ماينوله الا دود(ن)في مقبري صار ****** عشرة ليالي يسعى يمكن يحوله

ولاشلوى فكري يمه اصبح له صقار ****** تدمي معاليق الحشا برق نزوله

يلعنبو عيـــنن به الليـــــــل دوار ******* من ثقل رمش العين صارت خجوله

عزيل من سارق عيونه بالانظار ******* تسيطر على قلبه وتنوخ ذلوله

ولاسج فكري واستدارت به الدار ****** يم مهرة(ن)نبع المزايين زوله

يم مهرة(ن)مرة وشبت بي النار ****** اقفت وناري به تواقد شعوله

اقفت وهبت واتضح لي الادبار ****** ردوف(ن)تهزهز جلي(ن)بيد جفوله

يامهرة(ن)غطت على كل الامهار ****** هونك على جسم(ن)تزايد نحوله

يــاونتي ونة قريص(ن)بله غار ****** تسمع صداها وهالك(ن)مدوي قوله

او ونة عجوز(ن)هفى وليده البار **** تبيه ولاكن القدر حال حوله

شبهته بسهيل(ن)يوم ان الفلك دار ***** حيث الذي شافه لايامن سيوله

شبهته بسهيل(ن)يوم ان الهوى صار **** سود العيون سهيل(ن)والسيل زوله

جنون الشعر اليا جت جابت لي الزار ***** امشي واهذري مجنون كلن يقوله

ياهل الهوى لو الهوى ماهو جبار ****** كان القصايد بالغزل مانقوله

قصيده للشاعر ((يوسف العتيبي))