يستاهلون المجد والجاه والصيت

[سلطان السليفي]

السلام عليكم ابيات متواضعه ارجوان تروق الي ذايقتكم

العام في بيوت القصايد تنقيت = واليوم منه النفس عافت وشافت
يمر يوم وشهر وانا ابني البيت = وان جبت وحده غيرها عشر طافت
ماهو بقلة عرف لكن مليت= وكثرت هموم القلب والنفس عافت
مزاحم الاقزام لاولع الليت = مثل الفراش اللي علي النور حافت
يا كثرهم من يحصي الحي والميت=ضاقت ديار الشعر منهم تجافت
تلقي خششهم في القنوات منشيت =عقولهم فيها المرض ماتعافت
مع احترمي للزحول النعاتيت = الي بيوت الشعر منهم تشافت
افكارهم هجنن طوتها السباريت= علي القصيد اركابهم ماتحافت
يستاهلون المجد والجاه والصيت= الي بيوت الشعر فيهم تلافت
حي القصيد اللي ليا مني اوحيت =مثل السحاب اللي رعوده تقافت

سلطان المقاطي 24-5-1433