قصيدتي في حفل الشيخ شراع بن سمران الذيابي

[محمد الذيابـــي]

ياهاجسي ماعاد لك معذار =مدام صار الدور للشعار
من عقب جتني دعوة مخصوصه=الله يجملني مع الحضار
ياهاجسي هات البيوت الندر=وعطني من اللي يبهر الأنظار
بسم الاله الواحد أبدا قولي=دام الرجا بالواحد القهار
يالله تكافينا شرور أنفسنا=وانك تكافينا من الاشرار
والعبد ماينجيه طيب أعماله=الا برحمة ربه الغفار
والحمد للي عزنا بمحمد= المصطفى هو خيرة الاخيار
واللي تطاول في سمو أخلاقه=عساه والله تحتويه النار
لا مايمثلنا ولا ننطر له=ربعه وناسه زمرة الكفار
يشجعونه وانتشى في غيه=وهو مقصده تلفت له الانظار
مايدري أنه فالعيون ذبابه=والبيت متبري منه والدار
ويكرم نبي الله عن ماقاله=الكشغري واعوانه الفجار
لا والمصيبه ويش عذر الظالم=أنه مريض وقد راح شهار
هذا تجرد من شعور المسلم=وقضى حياته طيش واستهتار
لكن فوضنا أمرنا للواحد=الله هو اللي يعلم الاسرار
الله يورينا عجايب فعله= في كشغري واللي معه بالطار
ولاهوب موضوعي هذا ياماجد=لكن جا من جمله الافكار
أنا حضرت لمحفل ياطيبه=الطيب والفنجال فيه يدار
دعيت له والعذر مايشفع لي=وحضرت والواجب لي المحضار
سلام تسليم الوفا من طبعي=مثل الزهر فالروض والنوار
سلام يالجمع الغفير الطيب=أحرار قوم ومن ظهور أحرار
في حفل بن سمران جيت امبارك=ومن فرحته نفرح بعلم سار
شراع بن سمران راع الطاله=اللي على ربعه ذرى وستار
يجونه الذيبه لشي كايد=ويحلها بالجهد والاصرار
ومن يجحد أفعاله سفيه وظالم=ولاله مع أهل المرجله معبار
أبوه سمران الامير الراحل=ذكره مع السلمان ومع مطار
رجل شهر بالمعرفه والحنكه=هذي حقيقه للرجال أذكار
سيرة بطوله للحضور أذكرها=سيرة بطولة وافي الاشبار
في جنة الفردوس يابو فندي=جنة ولي العرش له قرار
ويابو فهد سلم على شيبانك=اللي لهم بصدورنا مقدار
هم درعنا لن جا نهار قاسي=مذخور معضد من رجال اخيار
وأن قلت معضد ماجهلت رويجح=ريف الضيوف ومسند للجار
هذي حقايق ثابته مشهوده=ومن واقع التاريخ جبت أخبار
انقل كلام الصدق عن جداني=اللي لهم فالطيبات أدوار
ربعي ذوي مشيلح كعام العادي=أن جا نهار تحكم الأشوار
الراي طيب والمواقيف أطيب=وياجاهل التاريخ دوك اشعار
والحمد لله كلبونا الذيبه=قبيلة فيها الكرم معيار
محدن خذانا فالزمان السابق=واليوم نعمة عمة الاقطار
حسادنا فالارض يامكثرهم=لكن بعيوان العدا مسمار
وأصحابنا والله مانحصيهم=والطيب قسمه والبشر تختار
منهم من اللي يحتزم للطاله=ومنهم من اللي جا قصير أنظار
وكل القبايل نعم مانحقرها=ومن يحقر أهل الطيب مابه خار
وحنا لك الله في ذرى دولتنا=دولة شريعه وأمن واستقرار
يادارنا حنا فدا من دونك=وحنا حمى من غدرة الغدار
واللي مسوي حزب له بالخارج=ويستقطب الجهال والقصار
مايدري ان الصف محدن شقه=ولااحد ينال من الوطن قنطار
وحنا الولا فينا ومن عادتنا=نمشى عليه صغار ولاكبار
مانخلف النيه ولا نحرفها=مدامنا دون البلاد اسوار
وختام قولي بالصلاة أختمها=على النبي المصطفى المختار

التوقيع

التوقيع محمد الذيابـــي

[صارم عتيبه]

لاهنت يامحمد مبدع في كل حالاتك

ولا تحرمنا ابداعاتك


ودي

واحترامي

[محمد الذيابـــي]

المشاركة الأصلية كتبت بواسطة صارم عتيبه

لاهنت يامحمد مبدع في كل حالاتك

ولا تحرمنا ابداعاتك


ودي

واحترامي

مشكووووور يالصارم

[محمد@الجعيد]

يسلام ياسلام يابن ذايب صح لسانك وبيض الله وجهك على هالعصمى

في انتظار جديدك بكل فارغ صبر دمت كما تحب

[محمد الذيابـــي]

المشاركة الأصلية كتبت بواسطة محمد@الجعيد

يسلام ياسلام يابن ذايب صح لسانك وبيض الله وجهك على هالعصمى

في انتظار جديدك بكل فارغ صبر دمت كما تحب

لا هنت يالغالي

[غالب الذيابي]

:
:



صح لسانك .

:
:
:
:

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[فهيد الايدا المورقي]

الله الله الله


ابو عساف صح لسانك مدد بلا عدد


تحيتي

[قيس العازمي]

صح لسانك يامحمد



قصيده وافيه وماشاء الله عليك ماخليت من الاد ذايب احد ماجبت اسمه ههههههههه




ملاحظه / يجونه الذيبه لشيٍ كايد



تمنيت لو جبت كلمه بدل الذيبه وجعلت اللفض شامل مثل الطراقي ولا المحتاج ولا غرها



تقبل مروري

[عثمان الثبيتي]

صح السانك وبيض الله وجهك

[سلطان السليفي]

صح لسانك. والاد ذايب يستاهلون

تسلم. يامحمد