الحضري وهجائه لبدو الجزيره العربيه

[بن مكرز المقاطي]

السلام عليكم ورحمة الله وبركاته
كيف حالكم يالربع عساكم بخير ؟
أقدم لكم هذه المشاركه لا لإعجابي بما قاله الشاعر السفيه بل لإعجابي في ( الحميا ) عند قبائل الجزيره العربيه وعدم رضاهم على ما يقوله السفها .

هذه القصيدة لشاعر غير معروف وحسافه انه يقال انه شاعر وتتكلم القصيده عن هجاء البدو بدو شبه الجزيره العربية ويقول فيها :

يا بدو والله لو تميل الموازين= في صفكم ما تدركون الزعامه
وأعلى الرتب والحكم والعلم والدين = تصعب عليكم حوزته واستلامه
خالقكم الله للغنم والبعارين= ترعونها حتى تقوم القيامه
اطيبكم اللي يخدم المعز والضين= والنوق ويزود لها فالخدامخه
أعز عنده من هله والوراعين= يشوف فيها المرجلة والكرامه
ان ربعت والا خذا الطعب بالدين = ابدى عليه اطعامها من طعامه
يشيل حمل الدين من غير تقنين =ما يشتكي لو جائر الحمل ضامه
يبرك لها بلهان والا بليهين= ما همته لو كان جبت سنامه
ناس على حفظ الحلا متواسين =فيكم على الرعيه عزوم وقرامه
وصية الأجداد للمستجدين= وش قال بركات الشريف بكلامه
رعيان لو أن ارصدتكم ملايين= عيا الزمن يرضى لكم باحترامه
والناس في عصر الفضاء يا مساكين =وانتم رعايا يا حياة الندامه
غير الشقا والفقر والزفر والشين =يا بدو ما منها كسبتوا سلامه
ومن لامكم فيها خزرتوه بالعين =حمراء وكثرتوا عليه الملامه
والسرق من عاداتكم يا بداويين =فيكم جهل مطب وفيكم غشامه
عاداتكم والحضر عنها غنيين= ويشهد لنا بالخير والإستقامه
حنا لحكام البلد مستشارين =والأمر فينا نفذته وانبرامه
صحيح حنا أهل البقر والساتين= والبدو يتهموننا بالرخامه
ولكننا عشنا كرام وعزيزين= ولا شحذنا الشيخ فضله يدامه
وانتم على بيبان قصره معاطين =في كل يوم عند بابه ردامه
طبع لكم من حين ما هو هالحين =حب الفخر والفخفخه والفخامه
جدانكم بالفجر عند السلاطين= دايم مناويخ قبالة خيامه
على الركايب مثل روس الشياطين =اللي هلك واللي درك في المهامه
ترضيكم الشرهه ولو هي ريالين= والانمونة بشت والا عمامه
ومن لا رضى معطاه يرضيه كفين =واتبعه من بعدهن بالنخامه
في المملكه عشتوا من سنين ودنين =ولاحد بها منكم رفيع مقامه
خاذلكم الله بعد ما أنتم بطاغين =والأمس من منكم بيجهل نظامه
اما علف للسيف والا مساجين =الحكم واجهكم بحزم وصرامه
عشتوا بعد هاك المعزًه ذليلين= كل من الذله تراقل عظامه
بعد التجبر والتكبر مطيعين =ومسالمين وقدركم في القمامه

وهاهو احد شعراء قحطان يقوم بالرد على هذا السفيه بقصديتة الباتره وهو الشاعر / زويح بن محمد آل معلا الخنافر القحطاني ويقول في قصيدته :

نبدا بذكر الله وبه مستعينين= يقوله اللي هاض مبدا غرامه
شوف الفكر في حالي الوقت ذالحين =يوم العقاب اتحش فيه الحماه
انت الحمامه خص ما معك ثانين= يالشاعر اللي غاوين في كلامه
ياللي تذم البدو ما حضك بزين= نشرت عرضك للخطر والملامه
حطيت عرضك شارتن للمغنين =ولا لك من اسهوم المنايا سلامه
بين الحرار أو صارمات الشياهين =مالك فرار ولو تبي النهزامه
صفت عليك امقنهبات السراحين= وحدتك من مرقاء الجبل للعدامه
أغواك شيطانك وحكي المغوين= أو وسوس عليك ابليس وخذت زامه
تحسب انك أحصانٍ شديد الذراعين =واصبحت ثور في امتونه سنامه
ورطت نفسك لك مثل ام ظرفين= ولبست شوم اللوم لبس البجامه
يا معيراً برعي الغنم والبعارين= وهي لاهي أبمنكر ولا بنقص قامه
مال الصحابه قبلنا والنبيين= مدَن من الله من فضايل انعامه
اللي على ابراهيم نزل خروفين =يوم ابنه اسماعين نفذ كلامه
وصارت ضحايا سنه للمسلمين= وهدي لمن حج أو تكفين أحرامه
والبل خلقها قوتن للضعيفين= تنقل ثقلهم بين شرقه وشامه
ولو قريت الغاشيه شفت بلعين =شفت آية البل كيف هي يالبعامه
يوم أنت يالخايب تعرف القوانين= ما تشكر اللي لك صخرها كرامه
تبي القدا ومن القدا وينك اوين= منك القدا بعد الحساء من تهامه
اسمع كلامي واعرف الزين والشين= واعرف حلال الشعر وعرف حرامه
أغناك رمزه بينٍ يابو وجهين= وطاري الرخامه فاهمين مرامه
رمزك ردي ولناس ما هم غبيين =ولا طيبن تطبق عليه الرخامه
اغوا الغويين انت واردا الرديين= لان الردي يعرف ابضاهر كلامه
والحضر منك ومن اغناتك غنيين= لانت ابتمام الصف ولايمامه
قبلك وعقبك واثقين وعزيزن=ولهم عا العليا زعم ونسجامه
والبدو يا مسكين ماهم ذميمين= وكلاً ابسابق قيمته وحترامه
كسابت الناموس نزاعت الدين= يا سعد من هم في اللوازم احزامه
درعك اليا منه غدا الشور شورين= لاثار بارود الجهاد وعسامه
لامن غدت عشرك من الذل ثنتين= ثم طار عقلك وانهبل يالنعامه
أو قال الملك وين العيال الشجيعين= فليا ملكنا قام قمنا مقامه
نمشي على صم العظام أو جريين= يومن مثلك ما تشيله عظامه
حنا هل التوحيد في نصرة الدين= من عاد حن على ذداد أو مسامه
وكلمة هل التوحيد فيها وفيين= نجعل عدو الدين بنيه هدامه
بدوٍ بالفعل الشجيع امتبدين= أعلى علامتنا من أعلى علامه
فينا اليا جات المعارك سلاطين =وفينا أغزازٍ بالصخاء والكرامه
هيباتنا منها تخفس الشياطين= وفينا الشجاعه والكرم الشهامه
ولو ذمنا مثلك من الناس مسكين= ماله براهينٍ تثبت كلامه
ما يرق الصاحين حكي المجانين= ولو الثعل صحا اليسد من منامه
هذا كلام النور والناس دارين =والنور ما تطفي عليه الغمامه
والبدو هم والحضر ماهم بحزبين= يلي تفرق بينهم بالنمامه
أخوان فالدنيا وفي الأصل والدين =احزاب دين الله ونصرت إسلامه
وأخص أهل نجد الكرام العزيزين= وباقي البشر كلن همامه همامه
مالي ومال اللي من ايسار ويمين= وترك مالا يعينك عز وسمامه
فن طعت شوري فسترح وامش بهوين =واترك مجال اللعب واطلق خطامه
ولاافخله بينا خص يا ثنين =وابشر بقلاع وراعي احجامه
حاضر ابحاضر ما نقولك بعدين =الين البعض منا يقشع خيامه
نبني على راسك من الشعر دورين =من شان تعذر فلغنا يا الخمامه
قلته ونا من الناس جب قومن شريفين= سلم القدا والحق نلبس اوسامه
عنوانا ابلج والقبيله قحاطين =وضد مهما صار نكزم اخزامه
وختامها صلوا أعداد المصلين= على رسول الله عند الختامه
محمد المختار سيد النبيين= شفيع الأمه في نهار القيامه

اللهم صلى وسلم على سيدنا محمد

[فهد العصيمي]

صح لسانك يابن مكرز

والله يعطيك العافيه على النقل

وصح لسان الشاعر زويح القحطاني

وعز الله إنه ماقصر مع هالسفيه

[@المورقي@]

الله يعطيك العافية ياابن مكرز المقاطي
ويسلم الشاعر القحطاني

تحياتي

[مرزوق حمدان العتيبي]

...
بيض الله وجه القحطاني
ولاهنت على النقل يالمقاطي..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[** البرقاوي**]

مشكور يا المقاطي على النقل الجميل

وصح لسان القحطاني

مع اني اظن والله اعلم ان صاحب القصيدة واحد

حيث القصيدتين متقاربه في القوه واللفظ والكلمات وجوانب اخرى

اقول اظن

تحياتي النجم المعتلي

[عيد بن مزنك]

بسم الله الرحمن الرحيم
السلام عليكم ورحمة الله وبركاته

أنا اقول ان القحطاني ما خصمه حيث ان الحضري البقار عم البدو كلهم والقحطاني خص راعي القصيدة فقط .

[فيصل المسعودي]

اخي العزيز بن مكرز سلمت على النقل الكريم وصح لسان القحطاني وتحياتي لك

أخوي عيد بن مزنك انا مع القحطاني القحطاني مبغاء يصير سفيه مثل الحضري الحضر فيهم الطيب والردي والشاعر الحضري هذ ا خبل والقحطاني ترفع وعد الحقايق ماقام يورد الكذب مثل الحضري وتحياتي لك .

[صقرنجد]

بيض الله وجهك يا مقاطي

وصح لسان القحطاني عزله انه خصمه


بس انا بعرف كيف الحضري يجيب هلبيات المليانه

اخوكم/........... صقر نجد............ المقاطي

[صـويب الرمـــش*]

بيض الله وجهك يا مقاطي ’’’’’’’’’’’ وتسلم يمينك يالذيب

وصح لسان القحطاني ,,,,,,وعسى مايجيه العطب
تحياتي لك

[بن مكرز المقاطي]

هلا ومرحبا فيكم أخواني .
مشكورين على المرور وتفاعلكم مع الموضوع .


تحياتي ،،،