وأحب الجمالة والجمالة عمل مبـرور

[((الدلبحي))]

السلام عليكم ورحمة الله وبركاته

عشقت القمر حيث القمر ينبعث به نور
وأخص الليالي البيض تزهاه ويزهنـه
وأحب الهوى لاهب من خايعٍ ممطـور
وريح النفل حيث النفل طيـب الخنـه
وأحب الجمالة والجمالة عمل مبـرور
وأحب الغناه واعز نفسي عـن المنـه
وأحب الصراحة والصراحة بها مسرور
حيث ان الصراحة تقطع الشك والظنـه
وأحب الكريم اللي يفرج عن المعسور
اللي من عطى حتى اهله مادروا عنه
وأحب الرجال العارفة وأكره المغـرور
من اغتر في بعض المظاهـر يغرنـه
سقا الله ليالٍ ماضية قبل هدم السـور
نحفر العدود ونشرب الماء من الشنـه
نشوف البنات اللي اوردن كنهن الحور
مهـارٍ مشاويلـن بالأعيـاد معتنـه
على الماء تشوف بيوتهم كنهن القور
كثيـر القبايـل تقطـن العـد بالكنـه
على البال ذكراها ياليت الليالـي ادور
ياليـت الليالـي ماخذنـه يجيبـنـه
تذكرت شيبانٍ لنا يـوم حنـا بـزور
يحثوننا بالطيـب والفـرض والسنـه
لو عاشوا حياةٍ قاسية في بحر وبرور
عسى الله يعوضهم بما فـات بالجنـه
لو دورٍ مضى من بينهم وين ذاك الدور
زمانٍ مضى له ذكريـاتٍ ....يحلنـه
يوم الذهب مايلبسونه بـدون خصـور
وجمال النسا ماهو من السوق يشرنه
فقدنا حياة البدو مع شوفة المظهـور
ولا عاد به بدو ولا الطرش لـه حنـه

للشاعر : سليمان الهويدي

[داهية عتيبة]

تسلم يابوحمود

اختيار موفق وقصيده جزله

صح السانك والسان الهويدي

تحياتي

[فهد العصيمي]

صح لسانك يالدلبحي وسلمت يمينك

على نقل هذه القصيده الجزله يالجزل

وصح لسان الشاعر سليمان الهويدي

[بن مكرز المقاطي]

صح لسانك يالدلبحي وصح لسان قايلها وعزالله انها جزله .

تحياتي،،

[ولد حافي]

قصيده طيبه من شخص طيب
صح السان الشاعر وصح السان ناقلها

[فيصل المسعودي]

عزيزي / الدلبحي


صح لسانك ولسان الهويدي وتحياتي لك



تحيات فيصل المسعودي

[@المورقي@]

لاهنت يا الدلبحي على هذه القصيدة الجزلة
وصح السان الشاعر سليمان الهويدي رحمه الله

تحياتي

[((الدلبحي))]

الاخ العزيز داهية اعتيبه

هلا وغلا وصح بدنك

تحياااااااااااااااااتي

[((الدلبحي))]

الـقـاسـي

الله يسلمك وصح بدنك ونورت الصفحه ياغالي

تحياااااااااااااااتي

[((الدلبحي))]

بن مكرز المقاطي

بيض الله وجهك على الزياره

تحيااااااااااااااتي