سلام الله سلامن مثل ضلع النير ما ينهاز --->

[بدر بن ثعلي]

سلام الله سلامن مثل ضلع النير ما ينهاز=على اهل الحله اللي حبها لا غبت يشعاني
طويل الدرب يبغى عزم ما ينفع معه معكاز=معان الشعر من فكري لحون الشعر بلساني

[علي الثبيتي]

هلا يامرحبا ترحيب ثقل طويق ماينراز=من اهل الحله الترحيب للضيفان والعاني!!
معان الشعر فيها يابدرنوعاً من الالغاز=ولن طال الطريق احسب حسابك يالعضياني!!

التوقيع

ماني بلا روقي ولا برقاوي = انا ثبيتي جد روق وبرقا

[بدر بن ثعلي]

والا يا علي ثوبن حايكه تسعة عشر طرّاز=اضنه باعتقادي ما ستر له جسم عرياني
حلاة الشعر فتل ونقض واللي ما عرف ما فاز=كلام الرجل مثل البرق والامطار برهاني

[علي الثبيتي]

الا ياراعي التصنيف والامثال مايعتاز=وانا متعب على شانك ولاتتعب على شاني!!
نبا نرمي على الذرعان مايحتاج للمعناز=ولن راحت هروج ومزح؟ جايز بين الاخواني!!

[محمد بن سمار الحنان]

صجت الالسن

متابع لكم

[بدر بن ثعلي]

لعبنا بالمعان الطيبه يا لاعب الجمباز=مواريث العرب ما هيب يا دانه ويا داني
عسى الله يرحمه مفقود والله شيخنا بن باز=تعيّن يا علي بعده بيوت بغير سيساني

[فهد الشهيب الثبيتي]

ياسلام

صح لسانك يابن ثعلي وصح لسانك يابو فهد

متابعين

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

[عثمان الثبيتي]

صحت السنكم متابعين

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[بدر بن ثعلي]

فهد

عثمان

مشرفين ومنورين ويا هلابكم

[علي الثبيتي]

لقيت المشكله فالصوره اللي داخل البرواز=لكن اليا حداك الوقت دورني وتلقاني!!
يابدر الجيل بعده جيل ميز والنفوس عزاز= ممات العلم باقي والله انه يرحم الفاني!!