السلام عليكم ورحمة الله وبركاته

[ربيع الرشيدي]

السلام عليكم ورحمة الله
هل من شاعر متواجد

[فهد الحصيني]

حياك الله يالرشيدي نزل بدعتك لاهنت

[ربيع الرشيدي]

سلام ياهل الطيب والشيمة عزيزين الجناب ---- والارض من تحت السما والناس تمشي فوقها
الشاعر اللي يحمي الماقف ويحسب له حساب---- الله يبارك فيه يقلط والحكم طاروقها

[ابن سند الهذلي]

طيب ،، طيب

صح إلسانكـ يالرشيدي وصح إلسان قبيلكــ مقدما


الليل يالحصيني

[قيس العازمي]

صح لسانك يالرشيدي



والليل سرى ماعيننا حصيني ولا ذيب

[ربيع الرشيدي]

عودة للاخوة ومن اراد اللعب نامل منه الرد
اخوي الحصيني انتظرناك وطال الانتظار

[حمدان العضياني]

ترحيب فقط ياربيع


الاوله يامرحبا ياعبــــــس شيبان وشباب--والثانيه يالشاعرالعبـــــــــسي علاك احقوقها

لاغيب الحصني يجيك النمروتجيك الذياب--في ليلة سوداء تقود الكارثه وتســــــــــوقها

[ربيع الرشيدي]

المشاركة الأصلية كتبت بواسطة حمدان العضياني

ترحيب فقط ياربيع


الاوله يامرحبا ياعبــــــس شيبان وشباب--والثانيه يالشاعرالعبـــــــــسي علاك احقوقها

لاغيب الحصني يجيك النمروتجيك الذياب--في ليلة سوداء تقود الكارثه وتســــــــــوقها

دام البقا دام البقا باللي حضر بعد الغياب--- لكن سر الليل ياحمدان والا سوقها هههههههههه

انتم ذيابة بس حنا الله خلقنا مانهاب --- واليا نزلنا الدار نملكها ونغلي سوقها

[فهيد مقعد الرويس]

كفو ياحمدان ولايهون ربيع

صح لسانه ولسانك

[عثمان الثبيتي]

صح السانك ياحمدان والسان ربيع
واليله انا في صف ربيع من لاتقاضى حي يقمح ليا مات هههههههههه

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

آخر تعديل عثمان الثبيتي يوم 10-Mar-2012 في 01:24 AM.