الاخوان المسلمين أصدقاء الرافضة والليبراليين

[الفريق]

الاخوان المسلمين وما الاخوان المسلمين أشغلوا العالم وأشغلونا الله يشغلهم ، ما خلوا أحد بحاله هم وش يبون ؟ وش هدفهم ؟ بصراحة يوم تنبسط منهم وتقول يا سلام يحبون الإسلام ويكرهون الكفر تراهم يقربون العدو، ليبرالي ولا رافضي ولا صوفي ولا لوقي ويتوددون له ، قلنا يالله يمكنهم يبون يدعونه للإسلام لعل الله يهدية. فجأه إذا هم يدافعون عنه ويبررون بدعته وضلاله ، ويبررون مخالفات ويعتذرون له ، لا وليت المسألة توقف عند كذا لا يحاربون أهل الحق ومن ينكر المنكر ويجابهونه ويتهمونه ، أجل المسألة ما هيب مسألة دعوة ، المسألة مسألة منهج يمشون عليه....؟! وناس ما قصدهم الأول والأخير الدين..... يوم يحاربون الليبرالي ويوم يدافعون عنه ويقبلون توبته عبر الأثير ....!!!؟؟ بدون محكمة ! يوم يحاربون الرافضي ويوم يصاحبونه ويسكتون على ضلاله ويسامحونه ويعتذرون له . الاغاني والرقص والاختلاط على الدوله حرام ويكبرون الخطأ وشوي ويخرجون المسئولين من الإسلام ورقص الصوفية وغناء الدوحة ما فية شيء والغناء فيه خلاف والاختلاط فيه خلاف وقيادة المرأة فيها خلاف . أمس أدوختونا الاختلاط فيه خلاف ما تقولون حرام عشان ما يزعل الليبرالي لا تقولون خلاف ، واليوم تصيحون و المنكرات المنكرات الاختلاط صار في الجنادريه يعني تو صار حرام يالاخوان المسلمين ، عجيب والله عجيب. حنا ما ندافع عن الاختلاط والغناء وغيره لا نقول حرام ، لكننا مسلمين صادقين إن شاء الله نقول حرام في كل زمان وفي كل مكان ما حنا مثلكم الحرام اليوم يصير حلال بكره والحلال بكره يصير حرام اليوم وهلم جرا. دينكم على كيفكم ، إذا تعلق المنكر بالحاكم صحتم الخيل والليل، وإذا تعلق بواحد منكم بطارق الحبيب يوم يقول الرسول شخصية ناقصة قلتوا وجهة نظر نقبل بالراي الآخر،ولا بالقرني مع هيفاء المنصور وهي كاشفة الرأس ولابسه القصير سكتوا ما صحتوا اختلاط اختلاط خلوه خلوه ...الله أكبر . هالاخوان أحس إنهم مهرجين إن جوا مع المغنين غنوا وإن جو مع المصلين صلوا، الصحيح إنهم أصحاب منهج كفى الله المسلمين شرهم يسيرون عليه إن كان الكلام في التحليل والتحريم يخدمهم حللوا وحرموا وشددوا وإن كان ما يخدمهم دمحوا الزلة وارتكبوا الزلة. اللهم اجعل تدبيرهم تدميرا عليهم .

آخر تعديل الفريق يوم 01-Mar-2012 في 10:20 PM.