أوصاف مسراي

[ضيف الله العالي]

السلام عليكم ورحمة الله وبركاته

اتمنى ان تحوز على رضاكم هالمتواضعه

في كل ليله اذكر اوصاف مسرايّ = الليل موحش والطريق امتلوّي
جيتك وأنا شايل حياتي بيمنــــايّ = ماكنت افكّر وقتها ويش أسوّي
كنّي مريض وشوفتك حسبة دوايّ = جيتك وانا ضامي ورحت متروّي
أسقيتني حبـّك وفاضت حنـايايّ = وأحرمتني وصلك وعكّرت جوّي
حمّلتني همّك على هم دنيايّ = واشتلتهـا لجلك وانا في علـّوي
لبست لي ثوب المحبّه مع اعدايّ = وانا اللذي مافرح لـ طيحت عدوّي
تغيّر إسلوبك وانا ابعدت برضايّ = ويقابل ازعاج المفارق هدوّي
لكن لك حشمه ليا جيت ذكرايّ = تقدير للماضي وحفظ لسموّي
حتى ولو تصفق يميني بيسرايّ = بقول توّ الليل ياليل توّي
وانا بعد روّحت ماعادني جايّ = مادام قلبي بالنكوفه منوّي
لكن يكفيني من أوصاف مسرايّ = ( ماكنت أفكر وقتها ويش اسوي )

وسلامتكم