وسم العطاوي

[الـقـرم الـعـطـاوي]

السلام عليكم ورحمة الله وبركاته ,

وسم العطاوي : مطرقين مطرق على الرقبه + مطرق على الخد ويقاله (الدامع)

وياسمونه ذوي عطيه من الروقه من عتيبه وهم (المهادله الفراهده الخراريص القساسمه الغنانيم المغايره السلسه الحبرديه المورقه)

وهو وسم مشهور وله شعبية حيث ان اطلقو على الابل اللي عليها وسم العطاوي (ماخوذه موفره)

لاحتماء اهلها لها ,

ومما قيل فيها من الاشعار ْ


الراوي الشاعر / متروك بن متعب الفراهدي رحمه الله

ودنــوا لها اللي يوم قـــام بزهابه ,, وشــــدوا لهــــا فوق اركبي(ن) سهاوي
يتبع لها شــــول(ن) تجـــــــاود رقابه ,, شـــول(ن) سهاف ووسم اهلها العطاوي

الشاعر/ بدر بن خضير القسامي العطاوي

يامن خبر وسم(ن) من الفعل عيفي ,, وسم العطاوي يامرب الطلايين


الشاعر/ شقير الجذع العتيبي


لين تنظر مطرقين على جرد الرقاب ,, وسم ربع(ن)يطرحون المجوخ دونها
العطاوي فوق الارقاب ذهاب(ن)واياب ,, ترتع الدار المخيفه وهم يحمونها
لاسبرها شيخ قوم(ن)وشاف الوسم هاب ,, رد ربعه دونها قبل لايشعونها
خايف(ن)من ساعتن تقصر اعمار الشباب ,, لارقص شيطانها واعتزا مجنونها


الشاعر / جري بن حشاش القسامي العطاوي

اقطف المكر والقرنوه غير الشتيله ,, ياخطات السناد اللي عليها العطاوي
وسم ربع(ن)لياجات العلوم الثقيله ,, يجدعون المجوخ قدم رمي الشواوي


الشاعره / مرسى العطاويه

ياللي تصوت باللبن مالنا فيه ,, عان اللبن مكفاة عبلة ملاوي
فاقصى الينوفي والدعيكه حراويه ,, فديوس خلفات(ن) عليها العطاوي

[عزارم]

كفو قول و فعل ولاهنت ياطيب

[محمد الذيابـــي]

كفوووووووووووو ياذوي عطيه..



وسم الذيّبه الرويكب فوق المغزل على الرقبه من اليمين والمغزل ياسمونه الحناتيش كافه والرويكب وسم الاد ذايب


حيث قال الشاعر رشيد الزلامي

الفخر لوهو جمل شفت الرويكب فوق خدة=شاهدن للاد ذايب والقبايل يعرفونه

مشكووور يالعطاوي على الموضوع المفيد ..

التوقيع

التوقيع محمد الذيابـــي

[ابو فيصل العطاوي]

القرم
الله لا يهينك على الطرح الوافي والكافي

محمد الذيابي
والله ونعم بالاد ذايب
ووسمهم اشهر من نار على رأس علم
او
علم على رأس نار

التوقيع

الوعي في العقول !!! وليس في ألأعمار !!! ألأعمار مجرد عداد لأيامك ؟ والعقول حصاد فهمك وقناعاتك للحياة ,,