مواقف ومعارك بطوليه لقبيلة الجعده من عتيبه تذكرها قصيده تاريخيه بالغة الندره

[الامير حريبيش]

قدم الى الشيخ عزران الهضبه شيخ الهضاب من الجعده عتيبه في بيته اثنين من الشدادين واثنين من العضاوين من بالحارث في وقت الظهيره وحينما قام الشيخ عزران بواجب الضيافه لهم وكانت الكعته ( وعاء من الجلد يملئ بالسمن ويعلق في البيت ) قد وقع نظر العضياني عليها بعد ان قام الشيخ عزران بإنزالها ووضع منها على مئدبة الطعام .
بعد الأنتهاء من الطعام خرج الشيخ عزران الى خارج البيت ولما عاد لم يجد الضيوف ولم يجد الكعته فعلم ان الضيوف قاموا بسرقة البيت , فلحق بهم الشيخ عزران فنجا ثلاثة منهم واستطاع قتل العضياني الذي سرق الكعته وللاماته لم يكن الشدادين على رضى من فعلة العضياني . وقد سمي ذالك اليوم بيوم المدٌيِنة .
وقد استطرد ابن حنيشان الجعيد شاعر الجعده المشهور صاحب القصيده قصة اخرى في الابيات وهي ان عويض الجعيد ابن اخت الصلاخات من بني الحارث حينما زار اخواله وحينما وصل لبيوتهم انزلوه من على بعيره من جيش الجعده المعروف باصالته وسرعته واخذوه منه دون تقدير لأبن اختهم ولا لبيوتهم التي حل بها .
وقال الشاعر ضيف الله بن حنيشان المظفري الجعيد تلك القصيده .

قالـه الـي مـن وروده مايـبـات=ويتهيـض باللـحـون الكايـفـات
مثـل در مـن عـراب مبـهـلات=ترتعي نبت الحيـا شـرق ٍ وشـام
هاجـسـي مـاقـط ارده فالبـنـات=غيـر ارده فالـحـلال العـامـرات
والـدلال الـي يـجـن مهـيـلات=تبهـج الرايـد لـيـا رد الـسـلام
بـت ساهـر والقبـايـل نايمـيـن=من زمـان ٍ شيـب الـي غافليـن
ياكريـم الوجـه لـلأمـه تعـيـن=يـا ألـه العـرش جبـار العـظـام
والله ان العسـر لظفـران شـيـن=صنعـت الـي مايشـوف الا بعيـن
مثل من وسـر عضـوده واليديـن=ثـم وسرهـا مثـل وسـر المسـام
واوجـودي وجـد منهـو فالحديـد=من ورا البيبـان فالحبـس الجويـد
يـوم يطـرون التـزوع والشديـد=صنعـة المكسـور يكديـه المـقـام
واوجودي وجـد مـن مالـه قليـل=وان بغالـه حاجـةٍ عنهـا ذلـيـل
يوم يمشـي فالعـرب كنـه غليـل=طايـلٍ سقمـه ولاحـق فالعـضـام
يانديبـي فـوق حـر بالـوصـوف=هاسيـاً ماقـد شفتـه بالـوقـوف
غير يذكر فـي جهينـه ومعـروف=مشتـرى مافيـه قـاروط ٍ حــرام
ماعليـه الا الكـلايـف والـشـداد=والمـزاود غيـرهـا قـربـه وزاد
ماوسـم درعـان شقـران القيـاد=نابي النسنـوس منحـوف السنـام
سارحه من بسل من يـوم الخميـس=ماركب في وساقهـا واحـد دليـس
فاحـت الصـرام والدايـس يديـس=بعـدهـا ملحقـيـنـه لـصــرام
واعطها يامرسلي خشـم الجبـوب"=" لا تغويبـك مفـاريـق الــدروب
فـوق حـر يوتلـم كنـه هـبـوب"=" ..................................
روحـت000 فـي تـرك اللـزوم"=" ماعليهـا مـن كثيـرات العـلـوم
مثل من يركب على القشراء العزوم"=" مايريعـهـا رسنـهـا واللـجـام
يارسيلـي ودي اوصيـك بوصيـه=ودهـا بنيـوس واقصـا الحارثيـه
ثـم عجـل بالخبـر واقبـل عليـه=بعـد تاخـذ ركعتيـن مـع الأمـام
يارسيلـي لصـلاخـي بالـجـواب=مثل خط ٍ مرسمـه جـوف الكتـاب
الرجـال الـي عساهـم بالـذهـاب=.............................
قل عاريتكم عند ابن جبريـل عيـب=وان جحـد معنـا عليهـم شاهديـن
.............................=ياقصيـف الشبـر يارخـو المقـام
يوم حولتـوا عويـض وهـو خـال=والرسن مربوع فـي راس الغـزال
ثـم حنيتـوا صحنـكـم والــدلال=واملامـك يالصـلاخـي بالـمـلام
خص لي سمو العضاويـن الثقـات=هـل حـلال ماتخلـي الموجبـات
والـدلال الـي يـجـن مهـيـلات=خص لي باتـل وخصولي حـزام
قـل ياعويـض يوم قديـت الغـزيـه=ليش ماجيتو بهـا والشمـس حيـه
مـار هابلكـم نهـار ٍ فـي الحويـه=يـوم ظل الملـح جايلـه جـثـام
تاخذ الكعتـه مـن القـاري ضحـى=وانـت مالـك عـن معزبكـم بطـا
يالله اجـعـل تاليـتـكـم للـفـنـا=ماتعرفـون الحـلال مـن الـحـرام
يوم حليتـوا علـى عـزران عـود=و سراكـم بشونـه والعـمـود
ياقصيـف الشبـر يارخـو الزنـود=كان مثلك عـن ولـد خالتـك شـام
يوم صبحنا سحـر وقـت الصـلاه"=" والمشوك مثـل بـرد مـن سمـاه
ليـن فاوتنـا زناهـيـر الحـيـاه"=" والعـذارا مثـل لجـلاج الحـمـام

الحويه يقصد به الشاعر مكان معركه بين الجعده وبني الحارث انتصر فيها الجعده

المصدر روايه عدة رواه من قبيلة الجعده

آخر تعديل الامير حريبيش يوم 15-Feb-2012 في 05:52 PM.