حياة وإلا موت بشار تختار؟!!!

[*النجـــــم*]

أسعد الله أوقاتكم

هذه أبيات مشاركة متواضعة بمناسبة مأساة سوريا

علها تروق لكم

يا شام صبرك غمةٍ(ن)يوم تنزاح=واللي يشب النار مثواه بالنار
الروس بالشيشان ما نالو أرباح=وشلون يلقوا ربح من وجه بشار
ما نافعه فيتو من الروس وسلاح=دام الشعب كله على ساجنه ثار
ما يعتبر بشار من سابقٍ(ن)طاح=وينه معمر كان واليوم تذكار؟!!!
لكن عماه الغي مايوحي صياح=يكذب على نفسه بتلفيق الأخبار
ما عاد به حرمة بشرعه للأرواح=يقتل شيوخ وخدجٍ(ن)شوف الأنظار
هذا هو السفاح لين قيل سفاح=لا والله إلا عار وأفعاله العار
هد المساجد فوق طلاب الإفلاح=ويقول أنا حامي حمى حوزة الدار
وينه عن الجولان كساب الأمداح=خمسين عام ويمها الوجه ماإندار
عاند وكابر وأخرتها لمرواح=للموت وإلا مثل حسني بخفار
دام الشيوخ اللي تنادي للإصلاح=عاندتها أبشر بخيبة ومخسار
صقر العروبة من يعانده يا صاح=ما والله عيونه يشوفن الأنوار
يا ما نصحك ولا تسمعت نصاح=وأرسل لك الإنذار من عقبه إنذار
الحر يعرف بارق السيل لا لاح=لكن حسافة ما أنت من جنس الأحرار
لو كنت منهم كان للعلم لماح=ما تنتظر حتى تظلي كما الفأر
اليوم جاك الموت سمٍ(ن)بتفاح=صكوا عليك الباب من دونك أسوار
كل قفل له عند المناعير مفتاح=ما عاد لك يم المفاليح مسيار
ولى زمانٍ(ن)كنت بالشام مرتاح=القبر يحفر جاي لك قصف الأعمار
لا يغرك إسمك يالأسد بعد ما راح=ماأنته بأسد إلا ثعيلب ومكار
إصبر على طعن الشباري والأرماح=حتى تنخ وتعترف بالذي صار
الحق غالب والمظالم بتنباح=والعاقبة معروف من حظ الأبرار
الشام شام العُرب ماهو بمسباح=تومي بها ما بين شاري وسمسار
ماهو بسهل تروح في فم تمساح=الشعب صاحي والعرب خيًه البار
بشار جاك العلم واضح بالألواح=إرحل وخل الشام تنعم بالإعمار
أظن هذا القول ما يوجب إيضاح=حياة وإلا موت بشار تختار؟!!!

[حصاااااان الهيلا]

صح لسانك يالنجم
والله يسلط على بشار وينصر الشعب السوري

بيتين هديه لبشار

الله يعز اسم الأسد عنك ياحمار
ياللي خذوك الفرس مثل التبيعه
ياللي ذبحت شيوخ وصغار وكبار
ذبحت حتى المرضعه والرضــيعه

[*النجـــــم*]

المشاركة الأصلية كتبت بواسطة حصاااااان الهيلا

صح لسانك يالنجم
والله يسلط على بشار وينصر الشعب السوري

بيتين هديه لبشار

الله يعز اسم الأسد عنك ياحمار
ياللي خذوك الفرس مثل التبيعه
ياللي ذبحت شيوخ وصغار وكبار
ذبحت حتى المرضعه والرضــيعه

صح بدنك ولا هنت


نهايته قريب باذن الله

[عثمان الثبيتي]

بيض الله وجهك يالنجم
وصح السانك وكثر الله من امثالك
الغيورين على دينهم واخوانهم

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[قيس العازمي]

صح لسانك يالنجم



والله ينصر الاسلام والمسلمين




في اي مكان كانوا



تحياتي

[سعد حميد الثبيتي]

صح لسانك يالنجم قصيده نابعه من قلب صادق بارك الله فيك لك تقديري

[*النجـــــم*]

المشاركة الأصلية كتبت بواسطة عثمان الثبيتي

بيض الله وجهك يالنجم
وصح السانك وكثر الله من امثالك
الغيورين على دينهم واخوانهم

صح بدنك ولا هنت


تشرفت بردك الطيب


لا عدمتك

[*النجـــــم*]

المشاركة الأصلية كتبت بواسطة قيس العازمي

صح لسانك يالنجم



والله ينصر الاسلام والمسلمين




في اي مكان كانوا



تحياتي

صح بدنك ولا هنت



تشرفت بحضورك وردك الطيب

[*النجـــــم*]

المشاركة الأصلية كتبت بواسطة سعد حميد الثبيتي

صح لسانك يالنجم قصيده نابعه من قلب صادق بارك الله فيك لك تقديري

صح بدنك ولا هنت


بارك الله فيك لا عدمتك