أن كان تبغى دون شمسك غمامـه

[سلطان@العتيبي]

مشااااااركه اولى

اتمنى ان تحوز على رضاكم

البارحـه عديـت راس العـدامـه=يومـن كـلٍ تالـي الليـل نامـي
ياوقـت ياوقـت الرخـا والندامـه=مدري علام النـاس والا علامـي
ازريت لا افهم ويش معنى كلامـه=وعيـا كلامـه لا يوافـق كلامـي
تعبت اهـدي خاطـري واهتمامـه=وتعبت اجاوب نايحـات الحمامـي
ياقلب لا تطـري عليـك الشهامـه=محـدٍ يقـدر قدرهـا والمقـامـي
حتيش لو انـي عصبـت العمامـه=وسريت رجلي مع سواد الظلامـي
أن كان تبغى دون شمسك غمامـه=ولا ترقد والا فوق ريش النعامـي
وان كان تبغى تعيش عيشة فخامه=ولا تقلط الا عنـد راس السنامـي
وان كان يا قلبي تريـد السلامـه=لازم تعلم كيـف تصبـح حرامـي
قلته وانـا وقتـي علـي احتدامـه=يخج قلبـي مثـل خـج السهامـي
ان قلـت اجاملهـم عليـه ملامـه=وان قلت اخاصمهم علي السلامـي
ولا انت ياغـروٍ كوانـي غرامـه=بوصفك وصفٍ فيه بصمة بهامـي
لك هامةٍ تخضع لهـا كـل هامـه=سبحان من سوا جميـل القوامـي
خصرك نحيلٍ مثل عـود الثمامـه=وشلون يثبت فيه وسـع الحزامـي
طلـت جبينـك لا لبسـت اللثامـه=كنه قمر خمسـة عشـر بالتمامـي
نظرة عيونـك ويـل والابتسامـه=منها نسيت اسمي وكـل الاسامـي
مشيتك مشيت من تورث زعامـه=ما يمشي الا فوق زيـن الرخامـي
عنقك طويلٍ مثـل ظبـي المحامـه=ما قد رماه ا من البواريـد رامـي
نحرك عريضٍ مثـل وادي تهامـه=يمر مـن بيـن الجبـال التوامـي
حكيك مثـل طفـلٍ قريـبٍ فطامـه=مااقول شرقاوي ولا اقـول شامـي
رمشك معا رمشك ياقـو اصتدامـه=وانا معا رمشـك ياقـو اصتدامـي
غمازتين بوسـك خـدك وشامـه=تغيض به من ينقشـن الوشامـي
والا جديلـك لمـتـه وانقسـامـه=اظـن يبغـا لـه محلـل درامـي
اسلوبك المجنـون محـلا نظامـه=سبحان من يحيي رميـم العظامـي
فيك الدلـع كـله وكـل الوسامـه=في مشيتك في جلستـك فالمقامـي
لا يابعـد قلبـي وغايـة مرامـه=جيتك وانا ظامي وعـودت ظامـي
ما ترحم اللي عاف لجلـك منامـه=وعاف الشراب وعاف حلو الطعامي
وقد عاف من سبتك يومه وعامـه=فيك اربع وعشرين ساعه هيامـي
حبك جبر قافي علـى بـدع لامـه=وان كان ما يعجبك غيـرت لامـي
شاعرك قافه فـي يدينـه خطامـه=ولا يهمه لـو عطـوه الوسامـي
همه يومن القلـب بـان انهزامـه=دبلت جرح القلب والجـرح دامـي

[شاعر الدرع العربي]

مشيتك مشيت من تورث زعامه
ياسلام بها كبرياء وغنج بالخطا
قصيد رائعه اخي ومشاركه موفقه
ولاكني عندي ملاحضه في وصف
نحرك عريضٍ مثل وادي تهامه
فحسب معرفتي في الوصف
المحبب في المرأه الصدر اللطف
وليس العريض
لعل البيت اجبرك ع الوصف بكذا
وارجع وقول قصيده وافيه وكل انسان
له وجهة نضر تقبل مرووري عزيزي

[سلطان@العتيبي]

المشاركة الأصلية كتبت بواسطة شاعر الدرع العربي

مشيتك مشيت من تورث زعامه
ياسلام بها كبرياء وغنج بالخطا
قصيد رائعه اخي ومشاركه موفقه
ولاكني عندي ملاحضه في وصف
نحرك عريضٍ مثل وادي تهامه
فحسب معرفتي في الوصف
المحبب في المرأه الصدر اللطف
وليس العريض
لعل البيت اجبرك ع الوصف بكذا
وارجع وقول قصيده وافيه وكل انسان
له وجهة نضر تقبل مرووري عزيزي

ـــــــــــــــــــــــــــــــــــــــــ
ياسلام بها كبرياء وغنج (بالخطا)


اما بالنسبه للملاحظه على راسي

الوصف في وادي تهامه

اظنك اخي العزيز خانك التعبير

وجهة نظري يالغالي

[عايض جزاء العصيمي]

صح لسانك على هالقصيده

تقبل مروري وتحياتي

[فيصل مطر]

سلطان العتيبي
صح لسانك
قصيده رايعه جدا وذات المفردات التي توحي بوجود شاعرمبدع
وحياك الله وحيا مشارتك ونقول اول الغيث قطره وانشالله الجايات اكثر
اشكرك على مشاركتك الرايعه

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[سلطان@العتيبي]

المشاركة الأصلية كتبت بواسطة فيصل مطر

سلطان العتيبي
صح لسانك
قصيده رايعه جدا وذات المفردات التي توحي بوجود شاعرمبدع
وحياك الله وحيا مشارتك ونقول اول الغيث قطره وانشالله الجايات اكثر
اشكرك على مشاركتك الرايعه

صح بدنك
وابقاك الله
والابدااااااع مرورك
والاروع قلمك
والجميل مشاركتك

تقديري

[محمد الذيابـــي]

,,


صح لسااانكـ


قصيدة تحمل العديد من الجمل الرائعه والتسلسل الجميل



لا هنت يالغالي,,,

التوقيع

التوقيع محمد الذيابـــي

[خليل هليل الشيباني]

صح السانكــ

„„

ابدعت والله يعطيك العافيه على هالقصيده الشامخه

„„

لاهنت

[سلطان@العتيبي]

المشاركة الأصلية كتبت بواسطة عايض جزاء العصيمي

صح لسانك على هالقصيده

تقبل مروري وتحياتي

صح بدنك

مرورك شرف

[سلطان@العتيبي]

المشاركة الأصلية كتبت بواسطة محمد الذيابـــي

,,


صح لسااانكـ


قصيدة تحمل العديد من الجمل الرائعه والتسلسل الجميل



لا هنت يالغالي,,,

صح بدنك

لاهنت

تقديري