خليف المطيري ورجاء الله الحربي وتشقيق الصور

[قاسي العتيبي]

خليف بن دواس:

انا بقريش انا بهذيل انا بسليم ابن عبـاد
اخير الناس واهل الديره اللي لاح بارقها
بنا فخر النبوه والرساله واطول الامجاد
منار العالمين بدولـةٍ خضـرٍ بوارقهـا

رجاءالله الحربي:

انا حربي ولد حربي شبابي والسيوف احداد
ليا قمنا نشب النار فـي خنـذف ونحرقهـا
عسى مالله يكثر شكل ابو طارق مع الا جواد
وجيه الخير مجتمعه وابـو طـارق يفرقهـا

خليف بن دواس:

اويش الخير فيكم يا لبقايا من ثمود وعاد
بعد معطاكم الله سورة الطارق بطارقهـا
على ظهر الجمل منّا لها قيد ورسن وشداد
لهلها باقيه ومسيلمـه الكـذاب سارقهـا

رجاءلله الحربي:

واحد منا بميه من مطير عيال بـن شـداد
وميه من شيوخ مطير نغرقهـا ونشرقهـا
يقولون الرجال خليف راضع مع سعد حداد
ويتخفى وراء البيبان لين يجيـه طارقهـا

خليف بن دواس:

لنا تاريخنا الهجري ولك تاريخك الميلاد
تحسب انا كما حوت البحر تمسح عواتقها
انا من علي صيحه يارجالله واسلم المقداد
دخل في غرفة المياسه اللي كان عاشقها

رجاءلله الحربي:

لكم تاريخ في رعي الغنم والصدر والميراد
ولو قال المطيري غيرهـا محـدٍ مصدقهـا
يارواد الاراضي حرب في سطح القمر رواد
ولا ياخليف روح وطبق المشلـح وعلقهـا

خليف بن دواس:

بسيف المجد نرحل من بلاد ونستحل ابلاد
واخذنا من مغاربها واخذنا من مشارقهـا
اممنا الجمع ونقود المعارك من وراء بغداد
على ارضٍٍٍٍ بالحجاز ابمعجزه نثبت حقائقها

رجالله الحربي:

تقوله وانت رحت وجيت في ضبط البعير قـراد
تهز الـراس بيـن ايديـك وعيونـك تبحلقهـا
انا اعطيتك صابون قلوب واعطيتك صابون اكباد
والى هالحين ربعك تغـرف البحـر بملاعقهـا

خليف بن دواس:

ولد عباد طول الوقت واقف لك على المرصاد
يعرف الارض وانته صرت فاسق من فواسقها
ولا ياعقلي اللي له على الماضي حنين افـواد
متى ب/ايامنا ترجـع وراء وتعـود سبقهـا

رجاءلله الحربي:

تساوى فوق سطح الارض لا يجمد عليك اجماد
ومن شايل بجيبـه صـورة مطيـري يشققهـا

[محمد الذيابـــي]

الله يرحم خليف بن دواس



لا هنت يالغالي,,,

التوقيع

التوقيع محمد الذيابـــي

[مهجرس]

رحم الله بن دواس و رجاء الله المحمدي الحربي

و مشكور ع النقل

[ساطي .. الحربي]

رحمه الله عليهم

آخر تعديل ساطي .. الحربي يوم 28-Jan-2012 في 08:54 PM.

[تايه الغربه]

الله يرحمهم نقل مميز
وطاروق حماسي
تحيتي لك

[سامي المهياء]

لا هنت على النقل الرائع،،،،،،،