اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
16-Jan-2012, 03:21 PM | رقم المشاركة : 1 | |||
|
مجاراتي مع الشاعر : غالب الذيابيــــ
اخواني اعضاء وزوار منتدى قبيلة عتيبه اقدم لكم هذه المجاراه بيني وبين الشاعر : غالب الذيابي
ياهاجسي عطني جزيل الشعر في وقت اللزوم صخر بيوت الشعر وانحتها على صم الصفاه المدح مايستاهله غير الطحاطيح القروم اهل الوفاء والطايله واللي يرومون العلاه يستاهله غالب لياهبت ذعاذيع السموم شاعر وبيته مانهدم سوره ليامنه بناه ينحت صخر يطلب همم يسبح وسط بحر„ يعوم يضرب ميادين المبارز والخصم يزحف وراه معطيه ربي والبشر مابين معطى ومحروم والله يجيره فالزمن ويوصله للي يباه شاعر جزل مثل الجدي وسهيل من بين النجوم شاعر وبين اهل الشعر والطيب عالي مستواه ربعه بني ذائب هل الطاله قويين العزوم الاد ذائب نعم والله بالرياجيل الدهاه قوم„ لياجات المواقف خصمهم راح مهزوم الاد ذائب صيتهم بين العرب يسمع صداه اهل الكرم والجود والنوماس وجزال العلوم تاريخهم بالعز والامجاد مايلحق مداه // // رد غالب علي يقول سقت القدم عساس والعساس رداد العلوم شفق„ على مايفرح اصحابه ومايغضب عداه وقفيت مسرور النظر في خايع„ يجلا الهموم والياي اشوف مسوبع„ يبنا ورجال„ قداه وجهت يمه ممتلي صدري غضب ليل„ ويوم واقول لاو الله سبقني جعلها تبكي علاه ناديت قال اقلط ويوم اقبل علي ليا علوم اثره ولد مشيب خليل محدد„ عشبه وماه قلت انته السابق وجاك القاف بالمسك مختوم سلام تسليم„ يردونه ليا سمعوا صداه عليك ياللي تحكم الميقاف وتسد اللزوم وليابنيت القاف شيدته ووصلته سماه تزمي بشوفك عن طمان القاع منزال الرخوم ماتنظر الا فوق لو الشوف ياصل منتهاه وليا حضرت بمجلس الشعار بينت الوسوم في صابر اللي للكلام الذرب ربي ماهداه دربك على درب السلف ربع„ بنو فوق النجوم بيوت عز„ مجدها الوهاج مايحجب سناه الاد مشيب كلمة„ فحروفها الذل معدوم الله جبرها تعشق العالي وتعذر فالحياه وختامها قال المثل من ضمن موروث السلوم يفوز راع الاوله دايم ولا يلحق مداه وسلامة الجميعـــــ |
|||
|
|
16-Jan-2012, 03:57 PM | رقم المشاركة : 3 | |||
|
صح لسانك يا خليل وصح لسان الذيابي الحقيقه ابدعتوا كل الابداع في البدع والرد سلم الله افكاركم يامبدعين |
|||
|
|
16-Jan-2012, 04:39 PM | رقم المشاركة : 6 | |||
|
الله الله
صوت وصدى رائعين ونعم بالمادح والممدوح عزالله ابدعتو ماشالله صحت السنتكم مدد اطيب تحيه |
|||
|
|
16-Jan-2012, 05:01 PM | رقم المشاركة : 9 | |||
|
صح لسانك ياخليل
وصح لسان غالب على هالقصائد الرائعه سلمتوا جميعا تحياتي وتقديري لك ولغالب تقبل مروري |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|