فوج فوج

[ابن سلوم الهيلوم]

يافكر يجتاحك حراره ماتبردها الثلوج=ونا ليا جتك اقتبست الشعر من منتوجها

يصير فكري من بحر والقاف جزر ومد موج=اسج في شاطيه عن خوض البحور وموجها

منك القصيد الحر تلفي مفرداته فوج فوج=واختار منه اللي غطاليس الظلام يبوجها

الشعر من ربي عطا والله لغيره مايحوج=منه الهجوس تونس الصحرا وجرد فجوجها

لرضاه يسرح هاجس التفكير في الدنيا يدوج=ويجيب لي ندر بناته من دروج بروجها

ياخذ بوقتي عن مجالس بعض عوجان الهروج=ينبيك عن بعض النوايا السود عوج هروجها

ولا يوجه للردي وقليل العرف العلوج = لسانه اعوج ون نقل عنك الهروج يعوجها

ونا الحقيقه لو يجي شعري مكسر ومعلوج=والله ليبقى في سجونن ماتفك دروجها

ومن لا يحدد مخرجه من قبل ميعاد الخرج =يقدم لخوض مغامره ماينعرف منتوجها

وسلامتكم

[سيف نت]

صح لساااااااااااانك

[قـنـاص الـقـوافي]

صح لسانك ولاهنت

[ابن سلوم الهيلوم]

صح بدنك

اخوي سيف

شكرا لمرورك

الجزل

[ابن سلوم الهيلوم]

صح بدنك قناص

القوافي شكرا

لمرورك الجزل

[شاعر الدرع العربي]

صح لسانك اخي الهيلوم
شعر جزل ويستحق الاشاده
بشاعره الجزل لاكن عندي لك
سوال كم لك تكتب الشعر
وهل انت كبير بالسن
واينك عن قناوات الشعار
اللي ازعجونا
صح لسانك مليوووون
تقبل مروووري

[ابن سلوم الهيلوم]

المشاركة الأصلية كتبت بواسطة شاعر الدرع العربي

صح لسانك اخي الهيلوم
شعر جزل ويستحق الاشاده
بشاعره الجزل لاكن عندي لك
سوال كم لك تكتب الشعر
وهل انت كبير بالسن
واينك عن قناوات الشعار
اللي ازعجونا
صح لسانك مليوووون
تقبل مروووري

صح بدنك اخي شاعر الدرع العربي

اولا شكرا لك على الاشاده

ثانيا بالنسه للشعر اكتبه من

اكثر من ربع قرن اما القنوات فقد

طلعت في اكثر من قناه ومنها قناة

المرقاب في مسابقة شاعر الملك

الى المرحله ما قبل النهاىيه اما سؤالك

الثاني فاما كذبنا او انفضحنا ارجو ان تعفيني

من الاجابه ولكن شكرا لك من كل قلبي

[عايض جزاء العصيمي]

صح لسانك وبيض الله وجهك

تقبل مروري وتحياتي

[ابن سلوم الهيلوم]

صح بدنك يابو عايض

تحياتي لك

[محمد الذيابـــي]

,,


صح لساانكـ مليوون,,

التوقيع

التوقيع محمد الذيابـــي