فآخر شهر شعبان مع مبتدأ الصوم=جتني رسالـة ماتسمـى رسالـة
سميتها عقدٍ من اللـول منظـوم=لا والله أغلى منه وأكثـر جزالـة
تعطـر الآفـاق عنبـر ويشمـوم=والرونق أجمل من مناظر صلالـة
والمحتوى بأنماط الإبداع مدعـوم=كنه عن الإبـداع يملـك وكالـة
موضوعها راقي لا شاتم لا مشتوم=اللـي بعثهـا جمّـل الله حـالـه
مبطي ماجاء من يمه أخبار وعلوم=كنت أحسب إنه صد وأقفى بفالـه
لكن من التقصير مايلحقـه لـوم=وافي ويبشر بالوفـاء والجمالـة
لمواصله هاوي وطايـع وملـزوم=أطوع من المسلم لحكـم العدالـة
ياشف بالي لأجلك أصير محكـوم=زينك ملكنـي كيـف أدوّر بدالـه
مبتدأ الصوم
العرض الشجري