قصيده للشاعر ساير زبار الرياحي

[راع الحجبا]

كل ماعظك زمانـــــــك وحدتك الظــــروف
قامت الشده تبين وجــــــيه الاصـــــــدقا

والله ان بعض الرياجيل مافيه معــــــروف
مااستفدنا منه غيـــــــر الشقاوه والشـقا

فالخلا يشعب ذلوله ويســـــتل السيوف
وان نصـــــــيته فاللـــوازم تدرق واتقـــــا

اتهقوى فيه واثر الهقاوي ماتشـــــــــــوف
ليت قلبي عن هقاويه ريــــح ماهقــــــــا

مادرى ان سود الليالي تحوف الناس حوف
والعمر لوطـــــال يفنــــى ولله البــــــــقا

وين تلقى اللي يوقف ليا حمي الوقـــوف
سبع غاب كل ماشاقه المرقى رقـــــى

صاحب " لاصادفك من غثاالدنيا صــــدوف
شالها لــو ان بعض الصواديف امحقـــــــا

الكريم اللي يرحب ليا جوه الضـــــــــيوف
ان لقى مايستـــر الحال ولا مـــا لقـــــى

رفقته شف " يكفيك عن كل الـــــشفوف
لالقيتـــــــــــه حي والله ذاك الملتقــــى

صاحب " لاشان حــظك وحدتك الظــروف
رفقته عز وكــــــرامه على وضح النـــقا

آخر تعديل راع الحجبا يوم 06-Jan-2012 في 02:41 PM.

[خليل هليل الشيباني]

الكريم اللي يرحب ليا جوه الضيوف
ان لقى مايستر الحال ولا مالقى

ياسلامـــ عليكـــ صح السانكـــ لين ترضى

[راع الحجبا]

صح بدنك اخوي خليل والله يسلمك ........

[محمد الذيابـــي]

صح لسااااااااانكـ ياساير


وننتظر جديدكـ يالغالي,,,

التوقيع

التوقيع محمد الذيابـــي

[راع الحجبا]

صحت ابدانكم اجمعين وابشر يامحمد والله مانبخل على هذا المنتدى الشامخ ( عتيبة الهيلا )

[فيصل مطر]

صح لسانك
يامبدع
قصيده رايعه معنى ومبنى وهدف موكد وهنت
تقبل
مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[راع الحجبا]

لاهنت اخوي فيصل وصح بدنك ...

[ابوحاتم الروقي]

رفقته شف " يكفيك عن كل الـــــشفوف
لالقيتـــــــــــه حي والله ذاك الملتقــــى

صاحب " لاشان حــظك وحدتك الظــروف
رفقته عز وكــــــرامه على وضح النـــقا


صح لسان قيلها ونقلها

[راع الحجبا]

صح بدنك ولا هنت ابو حاتم ...........

[مفرح ذيب العطاوي]

صح السانك
قيلها ونقلها