السلام عليكم ورحمة الله وبركاته
هذي قصيدة مسندة لسعادة اللواء الشيخ عمر بن خالد المرشدي الشيباني
قال بن فالح يوم غنا غرايبه = هوجس وغنا الطيبه من غرايبه
ينهج مناهيج الذيابه بعالي = لانسنس الغربي وهبت هبايبه
من هاجس يسوق رجلي لمبدا = مبدى الجبال النايفه في هضايبه
يدفعني الهاجوس لعلا معلي = من هاجس فالقلب شبت شبايبه
واقنب كما ذيب قنب بعد جوعه = اقبل عليه الليل والشمس غايبه
في صحيح خال من الناس مخلي = عشرين عام مخليات دعايبه
مافيه غير الطير يسمع صفيره = وليا طلع صبحه تصاوت ثعالبه
الا قبل عشرين من مات فيها = عش الطيور الطايره في نصايبه
دار خلا والعد فيها مغلق = جرت سباعه مدرجات قلايبه
ولايمرها الا من نوى الغزو عابر = عابر سبيل ومقفيات ركايبه
وهذي نتيجة هاجس مسرف بي = ماذوق نومي لين تطفي لهايبه
لاكن ابنخا وارفع الصوت وانخا = رجل على الطاله يفتل شواربه
عمر ابن خالد ملا نجد ذكره = زبن الدخيل اليا دخل من مصايبه
عمر ابن خالد يسمى على اسمه = سوا من الاقصين ولا قرايبه
هداج تيما مروي كل ضامي = لازاد حر القيض والشمس قاربه
من لاذبه كنه على راس عالي = لوه غريب يعد بوسط حبايبه
فيه الكرم والجود والخير كله = وهبه من اللي ماتغلق وهايبه
يابن الامير اللي عسى الله يرحمه = وينثر على قبره حقايق سحايبه
واختامها مني صلاة على النبي = اعداد ماهلت حقايق سحايبه
وسلامتكم
الشاعر/عيد بن فالح العتيبي
تقبلو تحياتي
« آخـــر الـــمـــشـــاركــــات »
02-Jan-2012, 01:19 AM
عمر ابن خالد ملا نجد ذكره = زبن الدخيل اليا دخل من مصايبه
العرض العادي
