قصيدة الشاعر راجح بن سالم العجمي

[سيف العجمان]

يقولون مال للعبد بدٍ عن المقسوم = وانا اقول صح ويقنع العبد مقسومه
عسى الله يعين اللي توافد عليه هموم = هموم تخلي طبلة الراس منجومه
ترى والله انه مايكدر عليك النوم = سوا كلمة من بعض الاصحاب مسمومه
إلى جت من الغالين والا الرخوم رخوم = ولا امحق من الغالي ليا شانت علومه
ضعاف الروابع تبتلش والقروم تشوم = ولا هيب لا شامة من الشين مليومه
ولا ازين من القاع الخلا والوجيه سلوم = ولا رفقة مع طول الايام ملغومه
ولا الذ من عشرة شريفن من اقصى القوم = يبادلك فعل الطيب معناه وسلومه
ولا شفت في جو الصداقه غبش وغيوم = عطيت الدروب اللي مع الارض مرسومه
ولا مثل عز النفس لو مامعك مطعوم = وعن اهل الشماته خل الاسرار مكتومه
معي لو سمحت شوي عقبن عداك اللوم = ابعطيك عن بعض الرياجيل معلومه
ترى اللاش لو وقف معك في حياته يوم = تشوف الردى متبين فيه من يومه
وانا اقول لو ان في وجيه الرخوم وسوم = عرفنا نمييز قيمة النذل بوسومه
علشان نجلس مع رجال الوفاء ونقوم = ونبعد من اللي عند الاجواد مذمومه
انا اسمع مع اهل التجربه فالحياة علوم = بعضها صحيح وبعض الاخبار موهومه
يقولون وكر الحر مايعتليه البوم = انا شوف عيني وكر حر تحت بومه

[محمد الذيابـــي]

صح لساااااااااااااااانه

التوقيع

التوقيع محمد الذيابـــي

[سيف العجمان]

لا هنت على المتابعه والمرور

[عايض جزاء العصيمي]

صح لسااااااااااااااانه
وبيض الله وجهك

[سيف العجمان]

صح بدنك
ووجهك ابيض يابو جزاء

[سنجار المري]

صح السانك والسانه

قصيد من الوزن الثقيل ومن نوادر الشعر النبطي

[سيف العجمان]

صح بدنك يا مري ولا هنت على المرور