محاوره تجاوزت الخطوط الحمراء بين طلق بن زاروط وسعود العبدلي

[سعيدان العتيبي]

محاوره بين الشاعرين طلق بن زاروط وسعود العبدلي



طلق بن زاروط

ياسعود مالك على هرج النشاما شروط ++قدام لاأعرفك أميز كلمتي من فمي
أنا تقي ونقي مانيب من قوم لوط ++ تغشاني العفه من راسي لاحد قدمي


سعود العبدلي
هذاه خامس شهر وأنته تسوط وتلوط ++ مدري وش اللي تبا مني ياذا الآدمي
ان كان داخلك شك وصار عندك هبوط ++ وشلون أسميك بأسمك وأنت مالك سمي

طلق بن زاروط

يبا يطول التحدي شوط في سد شوط++ من شان نعرف زبن وحبيب العازمي
أسمي مع أهل القصيد أخطر من الاخطبوط ++ لاهانوا الذيب وأبن فطيس والشبرمي

سعود العبدلي

الكلمه أم الحروف أطيب من أم النقوط ++ والخط واضح وانا اكتب لك براس قلمي
ماني بغابطك وأنته رجل ماأنت مغبوط ++ بندقك في يدك لكن ماتعرف الرمي


طلق بن زاروط

يالعبدلي مايرقع جرحك أربع خيوط ++ في عيادة المستشار أوسامه الحضرمي
دون المراجل مايطرحنا الفشل والقنوط ++ خلك على الجنب وآسلفك من محزمي

سعود العبدلي

خلك تحت شجرة شفنا ورقها مخبوط ++ في الساعه الحاميه من تحتها تحتمي
القاعده مايله والدم فيه مخلوط ++والمشترك مايفور من كلامه دمي

طلق بن زاروط

أنا شدادي على ظهر الذلول محطوط ++ وتطيح الاعلام ماتاصل مكان علمي
في الطرقه أدناة ماعرضك حمر الخطوط ++ لو ماأعرفك قلت من شلة حمود السمي

سعود العبدلي

أخذت لك رتبه تناسب وعلقت نوط ++ وأصبحت ترطن مثل رطن العجم ياعجمي
النور ياللي تبا تغطه ماهوب مغطوط ++أشرم وفي مستوى عبدالله الاشرمي

طلق بن زاروط

ألزحمه اللي لها وسط البلد طيط طوط ++ أسبابها مثلك وشرواك عور وعمي
الله مكرم لحانا ياللسان الغلوط ++ ليت العبادل من المطران ماتنتمي

آخر تعديل سعيدان العتيبي يوم 29-Nov-2011 في 02:09 PM.

[مجري الهياب]

محاوره فاشله مع احترامي للجميع

[الرشاش]

العبدلي شاعر لكن ما قدامه شاعر


بن زاروط كنه قاعد في فصل يعدد حضور غياب جاب في الطاروق اكثر من خمسة اسماء من حبيب الى الشبرمي هههههه



لو انه شاعر كان ما مرت عليه ( مخلوط )

[محمد الذيابـــي]

سعود العبدلي شاعر بمعنى الكلمه

اما طلق لااعرفه والمحاورة بشكل عام عاديه جدا,,,,

التوقيع

التوقيع محمد الذيابـــي

[منصف في زمن الظلم]

زاروط مستهبل
والعبدلي شاعررررررررررررررررر

[عبدالملك القاضي]

محاوره لاتحمل معنى والفاظ سيئه..

حتى حمود السمي والأشرم لم يسلم منهم هههههه

[الكاايد]

محاورة رائعه

اعجبني البيت اللي يقول

أنا شدادي على ظهر الذلول محطوط ++ وتطيح الاعلام ماتاصل مكان علمي

بن زاروط شاعر قوي والعبدلي كذلك


لاهنت يا سعيدان

[الكلبي الجهني]

محاوره فاشله وبقوه

من بدايتها

[الصابري .]

طلق بن زاروط

ياسعود مالك على هرج النشاما شروط ++قدام لاأعرفك أميز كلمتي من فمي



سعود العبدلي


هذاه خامس شهر وأنته تسوط وتلوط ++ مدري وش اللي تبا مني ياذا الآدمي

[خيال الصبيه]

أبن زاروط أبدع في هذه المحاوره وسعود العبدلي شاعر كبير






يالعبدلي مايرقع جرحك أربع خيوط ++ في عيادة المستشار أوسامه الحضرمي


البيت هذا خطير ولم يرد عليه العبدلي