مجرد طلب

[حمود بن خيشوم العصيمي]

دار الزمـان وشطنـا فـاض بالطـرش=من كـل شكـل وكـل مذهـب وطينـة
أغراب . واستولوا على السوق والقرش=ياما غـدى فـ..جيوبهـم مـن ثمينـة
أغباهـم الهامـور والحـوت والقـرش=وأذكاهـم اللـي محتكـر لـه مديـنـه
جونا حفاة ، ونصبوهم علـى العـرش=عـرش اقتصـاد المملـكـة ناهبيـنـه
نظامنـا لـ..اقدامهـم ضبّـط الفـرش=وابـن الوطـن كـل الدوايـر تهينـه
أمرٍ يهـول ومشهـده يطبـخ الهـرش=اللـي مـن أول للصحـاري سفينـة!!
وحنا ورى الموضات ومزاين الحـرش=نسوقـهـا للمهـزلـة والضغـيـنـة
في منظرٍ ما يرضـي مكـون العـرش=واللـي علـى سلـم العـرب منكرينـة

هذه القصيده بعنوان أمر يهول للشاعر غالب الذيابي

أجبرتي على العوده لها وقراءتها مرات عده

وبداية كل شطر من ابياتها يصلح ليكون عنوان للقصيده

هذه القصيده إهداء لادارة المنتديات لوضعها متفرده في قسم جديد بعنوان القصائد المميزه
لتبقى به وحيده حتى تجاورها دره أخرى من أحد شعراء منتدياتنا الرائعين

القصيده تحث الجميع على طلب استحداث القسم للمميزين من أمثال غالب الذيابي