قصيدة,أمة,في أمسية الجبيل

[محمد موسى المقاطي]

كنا قبل احتباس انفاسنا في مسافة=بين جمع الشوارد واختلاف الثقافة
سيف عنده رؤى وفهيد عنده حصافة=لين حطت مراكبنا على شطها
مرحبا بالضيوف ومرحبا بالمعارف=في رباً حاتميه من رياض المعارف
هبت ارياحها و الطيب من كل وارف=وانتم اغلا من يقلط على شطها
نحمدالله على ديمومة الانعمي=دين وامن ومليك و دولةً تنعمي
في ظلال السيوف و نعمة المنعمي=ديمة الشاكرين و شطة مشطها
لاتكوبر وضيع و لاتفرعن حقير=نبتديها سلام و ننتهيها نفير
لين يبرك لراع الحق راع الهدير=وناخذ حقوقها من عين منحطها
ان بغا يلوم نفسه وان بغا يلومنا=كيفه ونفسه وحنا ومرسومنا
وان تعذر قبلنا عذر منجومنا=وان تسخط وعينه غض محطها
ما نشد صفنا من معهم ومن معي=دام ابو متعب الرعاد والهيلعي
كلنا عن عروس البيت صف ادرعي=لين يلعب حمام الدار مع بطها
المزاهب سعودية وحنا لها=بين اهل القرار وبين اهل النوها
رافدين الحياة ونورها وسبلها=عز من عزها و ذل من نطها
وان نشدتو عن اواصر علاقاتها=تبحثون الخوافي عن مجراتها
ويكتنفنا شعورً عن مسراتها=لو نبي نطها يضيع منطها
ونفتح صدورنا وانقول وين السحاب=وين ابوخالد الممدوح خصب الجناب
المشاعر تقانب مثل سحم الذياب=وحزنها كل ماسجة عنه غطها
ونرفع اكفنا وانقول ياذو الجلال=انت الاول و الاخر وانت راع الكمال
بسمك اللهم نسألك خير المنال=النا و لراحلً داره شكت اطها
بين ايدين ابومتعب لين عزز بنايف=الحصان الجموح الكايدات الكلايف
وزبن حردً لحقها من وراها حتايف=جعل عمره طويل انقول و انخطها
واثر قيض الفراق اسهيل مع ساقته=بان سلمان نجد اسهيله و فاقته
البراد البراد اللي شذى باقته=كل عرقً سراها نفحه يعطها
وكل مبناً دخلها ينتشي من مزاره=لن فيها سمو و معها ريحة اماره
ولن سلمان ابوها و اعتزي ياوزاره=جاك سلمانها من شطها الشطها